DUQIIBA BILAABOO,SOO GALAY DAGAALKII.

DOORASHO RUUXA SUGAYOOW,DUNI KALAAD KU NOOSHO,

DALKAAGAANAD WAR U HAYN,INUU KALA DAREEROOY,

DAWLADO KALE KA TALIYAAN,DAB LA SUDHAY AMAANKII,

DADKU AY DUGSANAYEEN,CIIDANKII DABKA U SIDAY,

DAANDAAN U QAYBSAMAY,DAWO AAN LA FILAHAYN,

DILDILAACAN LAGU DHAYO,DUMAY QARAN HADDU JIRAY,

DEMENE DHOOHAN MOOYE.WUU OGYAHAY DADWEYNUHU,

CEEBTEENI DURUGTOO,DADKII HADALKA LAGA XIDHAY,

KA DAR DIBI DHAL NOQOTO,DERISKOODU MAAMULO,

DUGSI MA LEH QABYAALADI,DOOR HADDUU ABWAAN YIDHI,

BEELAA DHANBA KU DOOGSADAY,DARARTEEDI MAALOO,

DURDURIYO XAREEDAHA,KU DABAASHA KELIDOOD,

DALXIIS BAY KU NOOLYIIN,DALKIIYOOY XARAASHEEN.

DEKEDII BERBERAIYO,DUBAY IYO WAJAALUU GEELODU DAAQA,

DANYAR MEESHA LAGA SAAR,DILAAL BAANAY HELI KARIN,

DARAFYADII LA SOO DHAAF,DAAKHILKA LOOGU DHAADHACAY,

DUUDUUBAYOO GALAYDH SOCAY,ARABAA KU DABA JIRA,

DARSANMAYSID LAGU YIDHI,KOODII DOOLAR HELILAA,

DAMIIN REERKI AAN WADAN,DEBNAHA SAARIMAAYOO,

HADDUU DOOXU MALAB YAHAY,DUUF BAANAY KAA TAHAY,

ANIGOON DARDAAR WERIN,AAN SOO DUUBO HADALKEE,

RUUXII DAMEERLOOW,INA GEELE DAAWOO,

DERIS MA KUUGU FILAN TAHAY,MISE WAAN DAYEYSNAHAY.

DAAYINOOW ADAA JIRA,DADKANA WADA ABUURTAYE,

DACWADOODA QAADOO,DAWGA TOOSAN NAGU BEEG.

ISMAIL ABDILLAHI HANDULEH.