Alla-Hayaw Na Nabad Geli ( Abdi-Shotaly).
Dahmaan shacabka Reer Somaliland ha ka ducaysteen,
in aan Eebbe
isugu keen darin "Cudurka wareegaaya, Raggii ma adigaa ka hadhay iyo
Geenyo shaaximan" labadan askari baa ka xun xanuunka laf-tiisa'e. Ummad
yahay balaayoo dhan ka "Bismilaahii-Raxmaani-Raxiim" Alla-hayaw na nabad
geli, nafta iyo naruuradda, nimca-daadda nagu dhawr " Adaa caadil ahe".
Waxa shalay Hargeysa laga soo sheegay illaah ha inaga hayee, oo hay
naga joojiyee. Waayo awood iyo taag mid-na uma hayno'e, in cudurkii
dilaaga ah ee la yidhaaho " Coronavirus" Ay dad qabaa ka soo degeen
garoonka diyaaradaha, kuwaas oo ay siday diyaaradda "Ethiopian
Airline"Sidda la leeyahay, kuma cadda ee waa laga shakiyey, waana
og-tihiin in aanay jirin shaqaale u carbisani, laakiin jeegaan ahaan loo
qorey, ha-yeeshee aan wax farsamo caafimaad ah aqoon u lahayni, daawo
ay wax ka garana-yaana aanay jirin ( in kastoo aanu dawo weli lahayn la
garanaayo) hadana meesha maamul ma jiro maxada cunta amooyee, loogu-mana
tallo gelin in ay wax ka qabtaan iyo il naxariis ah oo ay ku eegayaan
kuu meesha la dhigay garoonku, haba ka sugin kuwa hungri-goodda u boobay
foodkii ummaddu, xanaano kale oo ay ku siiyaan iyo damqasho in ay kugus
ii wiirsadaan mooyaane.
Waxan odhan lahaa dadka debedaha ka tegaaya ( meel kaste oo
aduunka ka mid ah), in aanay tegin Maamul Goboleedka Somaliland, oo
aanay xanuun kale ugu sii darin, awel-ba iyaka oo ay silci-yeen qaar
kun jeer ka sii xun xaniinkan socdda ee " Cov-19" ama Coronavirus-ka la
yidhaaho. kaas oo aduunka si waalan ugu faafaaya, inaka markii hore-ba
waxa qabay oo aanu soo dhaafi jirin " Raggii ma adigaa ka hadhaye iyo
Geenyo Shaaximan oo uu qaadi-siiyeye" Waxan odhan lahaa ha laga " Alle
Baryo", oo Culimadu haka akhriyeen Masaajidadda 30-ka jis ee quraanka,
shicib-kuna ha fadhiyeen inta badan gurya-hoodda, in kaste oo ay duruufo
jiraan, keli-faaya in ay doontaan wax ay dhuunta maroiyeen, oo aanay
wax-baba oolin meesha, kana war haysaan, in ay mar-kooddii hore,
macaluul daraadeed suunka dhexdda iskaga kala gooyeen, oo wixii yaraa ee
dalka yaalay, ay jeebka ku gurteen kuwa caloosha u xooq-sadaa sidda
"Dhalaaye Solteko" Raggii ma adigaa ka hadhay, Geenyo shaaximan,
Af-dulaaq, Maxauud xaashi benaale, Gaafaadhi, Saciid Sulub, Baqdaadi iyo
qaar kaloo badan.
Waxa ka sii daran kuwa meesha joogaa, waaba ay u sii qoslayaan in
uu sii kordho xanuunku, waayo dan baa ugu jirta iyaka, oo xoolo
dheeraad ah bay ku sii xada-yaan, ay leeyihiin wax baanu ugu
qaba-naynaa, dadka uu soo gaadhay xanuunku oo been ah, weligood-ba
dhibta dadka bay ka faa'iidays-taane. Waxan ku soo xidhay qoraalkan, oo
aan mar kale aan gacmaha hoos dhigay Daayin-keen " Alla-hayaw na
saba-bixi adaa saatiroo kara'e" cudurkan aduunka meel walba gaadhay iyo
kuwaan aan sare ku sheegay, ee kunka jeer ka sii xun xanuunka laf-tiisa "
Waa Raggii ma adigaa ka hadhay iyo Geenyo shaaximane" Waxan nahay ummad
sabool ah, oo cadaw aan ka naxaynin gacanta ugu jira'e, ka shaqaysta
mooyee, ee naf ay dalka iyo dadka u hayaan iskaba yar tahaye, Rabbiyaw
naga bad-baadi, oo naga dul qaad, cilmina uma lihin, ciidana waa ka
mahdaan nahay, tuugina weliba way noo sii dheer tahaye, waa kuwa fadhiya
" Xaafad-tooyadda'e".
* N.B Alla-Hayaw Na Saba Bixi Adaa Saatirtoo Kara'e!
* Qore:- Abdi-Shotaly
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...