Siyaasiyiinta talada u haysa umadaha doonaya in ay dawlad dhistaan amaba kusoo socday sidayda oo kale in ay hogaan u noqdaan umad dawlad rabta in ay dhisatana waxaa lagga rabaa hogaamin ku dhisan garaad iyo geesinimo aan leex leexad lahayn .

Dadka u dhashay wadanka saxaaraha galbeed badankoodu way ka mqan yihiin wadanka ay rabaan in ay dawlad ka dhistaan waana laga bara-kiciye , Marooko ayaana xoog kaga haysata , Maxkamada aduunkuna waxay kasoo saartay go'aan ay ku diiday qabsiga Saxaarha galbeed , Qaramadda midoobayna waxay kasoo saartay 100 qaraar , hasa yeeshee ilaa 1970 Marooko ayaa haysata , siyaasiyiinta iyo shacabka reer saxaare galbeedna halgankooda halki ayuun bay kasii wadaan .

Wadanka Isreal markii laggu dhawaaqay 1948 ilaa 1967 badkiisu wuxuu ahaa inta idiinka muuqata maabka hoos ku xusan , Aduunyada badankeeduna may aqoonsanayn , bedka dhulka Isreal haysataana wuxuu ahaa 13 Km meelaha qaarkood , waxaana dagaal xooglihi ka dhaxeeyey dhamaan wadamada jaarka la ah ,maanta se Isreal isu sheegi mayno .

Taiwan waxay gooni u taagnayd tan iyo 1950 , Kuma jirto Qaramada midoobay , wadamada waawayn midkoodan ma aqoonsana , waxaana sheeganaya oo ku maran Wadanka shiinaha oo ah wadanka Aduunka ugu dadka badan , ahna wadanka labaad ee Aduunka ugu dhaqaalaha badan , sidaas oo ay tahay , Taiwan maanta Miisaaniyadda dawladeedu waa ku dhawaad 300 , oo Bilyan doolar , waxaanay ka Budget badan tahay Bariga iyo badhtamaha Afrika wadamada ku yaal oodhan hadii la isku daro Moosambiik ilaa Djabouti .

Sidaa markay tahay , Somaliland maaha siddda Saxaaraha galbeed umad la barakiciyey , ma aha sidda Falastiin Dal la haysto , mana aha Sidda Taiwan wadan ay is haystaan Wadan ka xoog iyo dhaqaale badan , Soomaaliyana ma aha sidda Chine wadan xoog badan , sida Isreal maaha wadan horumarsan , sidda Marookana xoog inaguma haysato .

Sidaa darteed , siyaasiyiinta xilka haysa waxaa looga baahan yahay dhismaha dhaqaalaha , haayadaha amniga iyo kor u qaadista adeegyada bulshada , siyaasiyiinta banaanka joogana waxaa looga baahan yahay raadinta xalalka iyo dawadda mashaakilka jira ee ay ka gaabiyeen saaxibadooda kuraasidda ku fadhiyaa , shacabka Somaliland waxaa looga baahan yahay in ay hawlahooda iska wataan kuna dadaalaan horumarinta hawlahooda , islamarkaana aanay u dhegtaagin dacaayadaha iyo tushuushka looga danleeyahay in laggu niyad jebiyo .

Gurri raysle iyo doog ,

Waynu gaadhi doonaa .