Dhinac kale, ma aha mawduucani mid qof activist ah ama koox Civil Society ah ka shaqayn karto ama loo ogolaan karo; dabeecaddiisa ayaan ahayn, maxaa yeelay waa masiir ummadeed; mana aha ugub dariiqa loo maraa ee waa curad; looma baahna in aynu dib u ikhtiraacno tareenka sida ay yidhaahdaan.

Golayaasha Qaranku ama Barlamaanku M/weynaha iyo xukuumaddiisa oo kaliya ayay illaa immika u fasaxeen in uu wadahadal la gali karo Somaliya; cid kale oo odhan karta hawlahaas in la kala tago iyo in la midoobo Somalia ayaan ka ka shaqaynayaa ma jirti karto; qofka sidaa sameeyana waxa lagu soo eedayn karaa danbi wayn oo ciqaab wayni ka dhalan karto!

Marxaladaha danbe ayaa laga yaabaa in la gaadho in dadku mujistaan ra'yigooda; waxa la gaadhi karaa illaa afti in laga qaado dadwaynaha; laakiin waxaas oo dhami waxay ka soo baxayaan wadahadalada iyo maraaxilka ay kolba marayaan.

Haddii loo baahdo muxaadaro dhan baan ka qaban karaa arrinkan; waar hooy ma aha dawladnimadu sida moodaysaan ee jooga ayaan leeyahay dad badan oo aanay u bilawnayn ama wax bawsaday!!

Cabdo; maamul wanaagga iyo ku dhaqanka sharciga.

W/Q: Prof-Abdi Ali Jama