Sidda ku xusan warsaxaafadeed kooban oo laggu faafiyay Mareegta wararka ee Radio Pakistan , labadda dhinac waxay ka sheekaysteen xidhiidhka taariikheed ee u dhaxeeya sooyaalka iskaashigga labadda dhinac iyo horumarka ay Pakistan ka samaysay dhinaca ciidanka Cirka .

Ugu danbayn waxaa laggu sheegay warsaxaafadeedka in Pakistan u balanqaaday Soomaaliya in ay ka caawinayso dhinaca tababarka ciidanka Cirka .

Si kastaba ha ahaatee , Dawladda Soomaaliya oo aan lahayn Ciidan cir tan iyo 1988 markii diyaaradihii Soomaliya ku burbureen Dagaalkii dhexmaray ururkii snm iyo kuwii Soomaaliya ayaa dadaal wayn ugu jirtay mudooyinkii lasoo dhaafay sidii ay u samaysan lahayd ciidan cir .

Dhinaca kale , Taliyaha ciidanka Cirka ee Soomaaliya , Gen Mohamed Sheikh ayaa ah sarkaal ruug-cadaadiya oo kaso baxay kuliyadihii Midowga soofiyeeti iyo Ciraaq oo uu kusoo qaatay culuunta hogaaminta sarre ee ciidamada Staff College .

Sidaa darteed waxaa loo baahan yahay in Somaliland si dhaw ula socoto dhaqdhaqaaqyadda Mogdisho iyo diyaar garowga ay ku jiraa mudooyinka danbe , murtiduna waxay ku leedahay , Nin laggu seexdoow ha seexan