Hadaba xukunkaasi markuu muddo jiray , hogaamiyihii xisbigaasi oo ahaa Malez Zanawi wuxuu qaatay aragti ah in uu Qoyskiisii Tikreega taladda ka wareejiyo , Etoobiyana u diyaaro isbadal ka dhaca si ay usii jiri karto .

Aragtidaas uu qaatay Males oo la odhan jirey Dib-ucurasho wuxuu sal-dhig uga dhigy in uu xukunka ka fogeeyo siyaasiyiintii ruug-cadadiga ahayd ee lasoo shaqaysay , kuwaasoo u badnaa qawmiydiisa Tigreega , isagoo uga danlahaa in ay fududayso shaqaynta dawlada cusub ee ka danbayn doonta .

Sidaa darteed markii Males geeriyooday waxaa taladii la wareegay Haile maryama deselign oo ka dhashay shucuubta koonfureed , isna waxaa uga danbeeyey Abby Ahmed oo ka yimi Qowmiyadda Orromadda .

Abby Ahmed oo sii wada dadaalkii Males ayaa isna dhamaystiray casriiyeynta siyaasaddii Eprdf , waxaanu u badalay xisbiga cusub ee uu u bixiyey PP kaasoo ah xisbi ay ku dhan yihiin reer Itoobiya oo aan ku koobnayn siddii Eprdf afar qawmiyadood .

Sidaas oo kale , Madaxwaynaha Somliland waxaa lagga rabaa in uu badalo tubtii siyaasadeed ee horre ee uu ku socday Xisbigiisa kulmiye , una diyaariyo Kulmiye isbadal cusub oo suurta geliya in taladda Xisbigu ka wareegto labada gacmood ee loo bixiyey Jeeganta taasoo ah mid u baahan in looga taxadiro si kawayn sidii uu uga taxadiray Males Zanawi in taladda Itoobiya ay ku meeraysato qawmiyadiisa Tigreyga .