1-QUSHI SOCOSHO WAAYEEL QALDANO,QOLO KU DOODAAYA,

QORSHA XUMIDA QALAD JOOGTA OON,XEER CID QABANAYN,

QALIN DUURAYAAL IYO CARUUR,QARANKAN LOO DHIIBTAY,

QABIIL DAWLADII LAGU QASAYA,QAYRKEEN NAGA REEBAY.

2-QARASH URURSO MOOYEE MA JIRO,QIIL KALOO FURANI,

QAWADA IYO MID QUUSTABA DALKII,NAGA QASAAREEYE,

QADHAADHKII DAGAALKIYO QAXII,QOYSAS KALA BAADAY,

QUDHOODABA KUWII WAAYEY BAAN,CIDINA QIIMAYNIN.

3-QAXARIYO DHIBTAAN SOO MARAA,QOONTI NAGU TAALE,

QUNYAR HADAL FARMAAJOW,INTAN QOOL KU GELINAYO,

QARDAJEEXA FAAN QAAWANOON,LOO QIYAAS DEYNBA,

QABRIGOON GALAA IIGA ROON,XAMAR QAREEN MOOD.

4-QAYBQAYBSHE BEELIHII UNKADAY,QARAN KU SHEEGEENA,

QAATAYE QAADAA DHACDAYOO,QUUSAY SHACABKIIYE,

QIYAASTAAN ARKAAYIYO,SIDUU QIRAYO MAANKAYGU,

QALBI JABE DADWEYNUHU,MARKAY QURUXBA WAAYEEN.

ISMAIL ABDILLAHI HANDULEH.