Ta'da gabay-ba maandhaw ma odhan, Toosi maalma-hane,

Anigoo ka tegay bay dar kale, igu tilmaa-meene,

Cadilaahi-yoow taadu , waatu' an dhamaa-nayne,

Ku talaabsay abwaankii farxaan,ereyaddii taabudka ahaaye,

Ina olola waa-kii tumaatida ku riday, taag yar-teeniiye (Sin-dheertii),

Ina muuse tartar buu ka maray, taynu haynay-ba'e,

Ina-yalas tafsiir-tuu u dhigay, waa tusaal wacane,

Hadaan talada lays-ku soo cel-celin, taab ma riix-deene,

Bal an tabto maan-tana, halkay tebayso laab-taydu,

Niman-yahaw tabaalada qurbuhu, tawsa-heed badane,

Way wada tasoobeen dhalini, oo gaalo tiig-sada'e,

Yaw-yaw maaxad tidhi, ayey wada tiraa-baane,

Tuhun beena baa galay, in ay tahan ku dheer-yiine,

Inamaddii tidcade duul alloow, tima dabniin-kiiye,

Habli-hiina taaloo bayba goos-teeen, oo tiirshe madaxiiye,

Sibra-hoo la tuuriyo lugaha, turuntu-roonaaya,

Tagoog-yaha dhamaa-diyo gamcaha, wada tafee-noobay,

Waa kuwaa af-kooddii ka tegay, oo aan ta' gara-nayne,

Tabadh-tabadh wixii aan ahayn, kuma tusmays-saane,

Lagu tumay hiddii aan lahayn, oo tuure waa hora'e,

Haday-naan ka tegin meeshan, tacab go' weeyaane,

Ma tashiisho ruuxii xumaan, loo tix-geli-yaaye,

Inta goori-goor tahay, tashada dhaafnay hilin-kiiye.

Cabdilaahi-yoow tusmadu,Waa tusaal wacane,

Ku-wad tiinka tidhi baan,Rabaa inan tibaa-xaaye,

Tola-haan ku dhaar-tahye,Wuxu-ba way tukuba-yaane,

Tafa-hay surwaalada hayaan,Tookh-na moodeene,

Dhabar-kooda tuuraa ku yaal,Taag-na waa madhane,

Tunkii wuu engegay oo,Indhuhu tiigsi weeyaane,

Tilmaan-tooda goor-taan arkiyo,Tacab khasaar-kooda,

Oo ay la wada tiica-yaan,Tamar la'aan-tooda,

Tala-na aan kaa qaada-nayn,Kaana tegi haynin,

Taf-siir dar aan raadi-nayn,iyo tacliin-toona,

Turuq-yadu dhamaadeen,Oo tahar la moodaayo,

Oo aan naf-tooda u tudhayn,Toobad xuma-dooda,

Oo waalid-kii dhalay tirsane,Misa-na tawsi wada hayso,

Talaw sidee baa la odhan,Tanina waa yaabe.

* N.B Waa Wada Tasoobeen Dhalini, Oo Gaalo Tiig-sada'e.

Qore:- Abdi-Shotaly

[email protected]