Xabaalo Amaan Xishood Daranaa ( Abdi-Shotaly).
Waxa hore loo yidhi " Sakaaro xaar la arkaayo bay aasaas-taaye, iyadoo la ogaa Cali gurey wixii uu ku hadli jirey, ee qabyaalad iyo iska hor-keenka ummadda ahaa, is nacsiiyey muwaadiniinta, mabda'iisu si cad reer hebel ugu xuub siibtay, shirarka isla soo taagaayey, af buuxana ku lahaa " Halkii Illaah I baday baan raacayaa" oo micna-heedu yahay, askariga baan isku reer ahaan awgeed u garab geleyaa iyo tii ka sii darayd ee aad ugu ban baxay-ba qaran dumus-nimadda dad-kana uu ugu kala ab-tirinaysey, waa markii uu lahaa " Sacad Muuse Madax weyne weliggii ma yaalan doono" Haddii aanay askariga beeshoodda ah dooran ( waa askariga'e). Isaga oo Cali Gurey intaas iyo wax ka sii daran laga hayo, buu nasiib darradda ina haysata, misana sii raaciyey, in M.Xaashi waa wax garad yahay, saw meel lagu goblamey maaha? horaase loo yidhi " Tuug-tuug ma sheego" oo way isu xil qariyaane, ummadan imika ka dhaadhicin kari maysid Tuuggii ay yaqaaneen, ee waxa kale oo lagaa qoro ma haysaa? Wax kaa soconaaya la-maad shir imane.
Laba nin oo geel-jire ah baa hadhuub caano ah iyaka oo wadaagaaya, ku heshiiyey in uu mid-ba mar kabado, dhawr jeer markii ay sidaa ku dhamayeen caanihii, buu mid markii dambe u qariyey bahal cantuugo ah, isaga oo weli afka ku haya, oo aan liqin, buu kii kale yidhi" Nin-yahw kala dooro, intaad afka ku hayso, iyo inta ku hadhay hadhuubka" ilayn afkaa u buuxa, oo ma hadli karo'e, wuxu is yidhi, aad hadashide horta intan liq, markuu dejiyey buu is yidhi hadal, kii kalaa ku yidhi jooji hadalka waad doorataye, in aad tufto ama afka ku hayso bay ahayde, markii aad liqday baad dooratay wixii aan isku hayno, oo intii aad cantuug-sanayd baa doortay, ee inta hadhuubka ku jhadhay anaa iska leh, waxan uga socdaa, beri horaa lagu kala dhaqaaqay, wax aan jirin sheeg, ee dhul dhacaaga hubso. Maah-maah baa waxay ahayd " Shimbir-ba-shimbir-kiisa buu la duulaaye" Cali gurey iyo Ina Xaashi waxa isku daray, ee is raaciyey wax kale ha moodina? ee intii lagu yaqaanay, hore-na ay u qarsan kari la'aayeen, oo ah qabyaaladdii sideedda ah weeye. Maanta iyakoo labaduba aynu taariikh-doodda sidaa u hayno, in ay ku af gobaad-sadaan, waxanu nahay rag qaranimadda Somaliland meel isu soo taagay, miyeynu ka yeelaa? Miyaanay naf-toodda isugu khajilayn? Damiir la'aanta Cali Gurey waa qayrul xad aan hore loo arag, halkii uu is qarin lahaa, ee uu ku jiri lahaa inta noloshiiisa ka hahday-na, uu dhuumsho ugu maqnaan lahaa, si aan cidi u arag, baabu la yimi, in uu xabaalo amaan noqdo bilaa xayo ah, ummad-na khiyaali iyo huu-haa aan sal iyo raad lahayn kula dhex meeraysto. Waxan ku soo xidhay qoraalkan, xikgmaddii ahayd " Nin ambaday halkuu maray way ula ekoonayde, waa adigaa qarda-jeex jibaaxay, adiga iyo ka makara-fooonka kuu soo dhiibtay-ba, waa qaawan tihiine xishood oo xidho dibnaha, wixii hore iyadda oo ay buuga taariikh-dda idiinku jiraan, oo ay ceeb-tiinu debedda taalo, siddii riyihii dabadda qaawanaa, ee hadna idaha la yaabi jirey, baad sifa-heeddii leedihiine, tuug yahay ka fadhiista ummadda bilaa damiirka ahi
* N.B Riyaha Qaawaan baa idaha asturan la yaaba ( Waa sidda kuwane)!
Qore:- Abdi-Shotaly.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!