Hargeysa(HWN):-Xukuumadda Somaliland ayaa Beesha Caalamka uga digtay in ay gobolka ka samayso wax faragalin ah oo wax u dhimi karaya qaranimada Somaliland.

Wasaaradda arrimaha dibada Somaliland oo maanta soo saartay war-saxaafadeedkan waxay beesha caalamka ugu baaqday inay noqoto dhexdhexaadiye daacadnimo iyo xaglin la'aan ku shaqeeya,iskana ilaaliso mawqif kaste oo khatar galinaya nabadgaliyada iyo xasiloonida gobolka geeska Afrika.

Waxay Somaliland war-saxaafadeedkeedan kaga jawaabaysay war-murtiyeed 28 kii Jeenawari ay soo saareen hay'adaha iyo dalalka caalamka ee lagu magacaabo saaxibada Soomaaliya oo ay Baarlamaanka Soomaliya ugu baaqayeen in uu xal ka gaadho qaabka iyo sharciyada ay doorashada Somaliya ku gali doonaan xildhibaanada Somaliland matalaya.