Sababihii Qaladaadka..W/Q Cumar C. Seeraar
0
- Visits: 1024
-
- Share
Qoraaga wayn ee Maxamed Daahir Afrax buuggiisa Dal dad waayey iyo duni damiir beeshay (2004: 113) wuxu sababaha burburka Somaliya gundhig uga dhigay faragelin shisheeye.
Gen: Jaamac Maxamed Qaalib, buuggiisa Khasaarihii Diktaatooriyadda (The Cost of Dictatorship) wuxuu dhaliilaya eeda burburkana dusha ka saaraya in nidaam kasta oo keli telis ah, cawaaqibkiisu yahay bur-bur.
Maxamed Cismaan Oromo, buuggiisa Sababihii Burburka Somaliya, wuxu si cad ugu sheegay in ay sabab u ahayd sad bursiinyo qabiil.
Aw Jaamac Cumar Ciise, buuggiisa Qaran Jabkii Soomaaliya wuxuu xooga saaray in bur-burku ka yimi dadka oo aan ogaynba waxa ka socda dalka iyo mushkiladaha waa beryeyba la so darsaya dalkooda.
Haddaba Buuggan Felegmeer wuxu sababaha qaladaadkii ku habsaday Soomaali u eegaya siyaabo sidaas ka duwan, taas oo aan is leeyahay waa sababihii bur-burka. Si kale haddaan u dhigo wax kasta wa laba: asal iyo farac, haddii qorayaasha hore ee Soomaaliyeed ay isku dayeen in ay balbalaadhiyaan furuucdii sababaha, anna waxaan isku deyayaa in aan so bandhigo usuushii ama asaladii khaladaadka.
