Somaliland Waa Cid Walba U Jabto ( Abdi-Shotaly).
Qofku inkastuu is yeel-yeelo, oo is yidhaaho shaadh kale u soo gasho ummadda,
sidda jirji-roolaha kolba midab isu yeel, yaan lagaa
garan, oo wax aanad ahayn iska dhig, weji kii aad lahayn ka duwan la soo
bax, oo sumcad beena ku samayso, si kaste oo uu is yidhaaho booga-haaga
qari iyo waxa aad tahay yaan la ogaane, dafiro sawirka
shakhsinima-diisu ay tilmaamayso, ama dambabas oo go' kale huwo aan
lagugu aqoonin, in yar bay taasi u shaqaysaa mudo kooban ah, aakhirka-se
way soo gabtaa, oo xagga samadda baa rabbi ka kashifaa, waxana uu hoos
yimaadaa cadceedda oo duhur ah, isaga oo qaawan iskana xayday maraddii,
oo sawri-kiisii dhabta ahaa baa ku soo baxa si lama filaan ah, wuxu is
arkaa isaga oo banaan taagan, wixii uu is lahaa ded-na, uu af-kiisu hayn
kari waayey, sheegaayana ceeb-tiisa. ilayn qofna dib loo
abuuri-maayo'e, iyadda oo aan meel kale looga iman, cid sheegtay-na
aanay jirin buu is qarxiyaa isaga laf-tiisu, sidda askarigan la yidhaaho
" Raggii Ma Adigaa Ka Hadhay"
wax uu galgasho-ba, hadba ciiro aan qarinayn uu is yidhaaho dhgex
qaad-ba, wuxu ku dambeeyaa sheekaddii ahayd " Cadceedda Sacab laguma
Qarin Karo oo waa Daahir Yaa Shamis" taas oo banka keenta obocdiisa goor
aanu wax ka qaban Karin, iyadaana is shaacisa, oo is faafisa, meel
walbana sidda tv-yadda iyo idaacaddii BBc-da iska sii daysa, waxa hadaba
sidaas saaka ka dhigan askariga " Ila-Meeraysadda" ku warwaree-gaaya ee
magaca khiyaaliga ah isku sheega ( Isku sheega Mujaahid aanu meela us
oo marin).
Nimaan taqaano uur-kiisa baad ku jirtaa baa hore loo yidhiye,
haduu askarigii uu si wacan isugu sii dhamooqay waqdiisii, bal daya wuxu
maantana la yimi, si kaste oo wax loogu sheego, isma doorsho dhagax.
Ilaah ha u naxariisto'e Ismaaciil cagaf baa waxa ka mid ah baydadka ku
jira heesi-hiisa qaraamiga ah baa wuxu yidhi " Dhirtoo I maqashaan I
dhaafteen, oo dhagaxay damqan-laa dhadhaabka ah" u jeedadu waxa weeye,
dhegihii ilaah waaniyaa waansan, ee kani waa dameer sayax daaqay iyo
kibirkii dherga ee uu la danaaniyi jirey. bal daya wuxu yidhi, idin-ba
waad yaabi doon-taane. Markii uu tegay Jabuuti isaga, Geenyo shaaximan,
ka Ganacisga u qaabilsan, Ka maaliyadu,Waxay soo saxeexay, in Xadhkaha
ay leedahay shirkadda la yidhaaho" Viper Optic"
la soo mariyo xeebta Badda Berbera " Arintaas oo laba cisho horteed uu
ka tegay Farmaajo Jabuuti, isaga ooku heshiiyeen in uu ka dhameeyo
"Raggii ma adigaa Ka hadhay" Keliggii taliyaha Ina Geelle Basala amar ku
siiyey askariga in xadhka-haa khasab ku ogolaado. Ilayn waxa ina Xukuma
Isaga'e ( oo Kolba waa ka Fijaanadda muqmadda ah u sii qaad'e),
Aqoonta handaraab qof-na kama dedna, in uu is bartaa baa
wanaagsan. Waxan maqli jirey Hebel ciyaalkaa ogaaday, kan bay hadaba cid
waliba ogaatay in uu yahay meel madha. Akhristaw cid walba u jabnay waa
kaas Ina Cumar Geelle ina xukuma ( Ina Geelle Baslka Jabuuti). Imika
muxuu la bood-boodayaa marka lagu soo qabtay beenta, ee uu siddii hal
rimay ah ula goojinayaa. kolba uu meel isugu qaadayaa siddii hal cadho
qabta, kolba geed ugu xogonayaa. Ha qirto denbi-yadda ay dalka ku
xaraashaeen, kulana dhgex jireen SNM isaga iyo saaxiibkii Geenyo
Shaaximani. Waxan ku soo xidhay qoraalkan. nina wax aanu ahayn iskama
dhigi karo, hore waxa loo yidhi "Nin is faanshay waa ri' is jaqadaye"
Wax uu ku beer laxaw-sadaa dadka, wax aan jirin iyo mujaahid baan ahay,
waana la og yahay wuxuu ka qaban jirey SNM, taas oo ahayd kala jebinta
uu u kala saari jirey " Calan Cas iyo Reer Qaaxa". iyadda oo ay siidaas
tahay mujaahid-nimadda uu sheegtaa, buu hadana khiyaali doonayaa in uu
dadka ka dhaadhiciyo. Horaan u idhi " Wixii xuduudda ka talaabay-ba
maaha Mujaahid" qaar baa ahaa noociisa oo xiniinyaha hayey SNM, dar baa
basaasiin ahaa, kuwo kale baa u qaad doontay, wuxu-ba hadeer waxay inoo
sheegtaan sidiisa mujaahidiin, ee miyeynu ka yeelaa? Waa la kala
yaqaanaa dadkii halganka dhabta ah ku jirey iyo kuwii cidh-baha goyn
jirey, ee ay ka midka ahaayeen labadan askari. waa riyo neefaaq waxay ku
andacoodaan iyo ina wax kama jiraan.
* N.B Somaliland Waa Cid Walba U jabto!
Qore:- Abdi Shotaly.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...