Hadhuudhu Caraale Huftoo Hufmi Waaye Maxaad Kala Haadin
Asalaamu calaykum waraxmatulaahi wabarkaatuh wacan oo wanaagsan .
Waxa aan maanta qormadan gaaban ku faalayn doonaa madax Wayne Muuse oo
noqday shaqsigii ugu badalaada badnaa maamulkiisa mudadii 2 sano ahayd
ee uu madaxwaynaha ahaa.Shacabku waxa ay iswaydiinayaan madax waynaha ma
aqoonta uu u leeyahay dadka uu u xulanaayo cida uu u dhiibanaayo xil
ayaa liidata mise la taliyayaashiisa ayaa liita.
Dhawaan waxa uu sameeyey madax waynuhu isku shaandhayn ah maamulkiisa
hadaba hadii aynu milicsano mar kasta oo uu madax waynuhu isku
shaandhayn sameeyo waxa dhagaha shacabku maqlaan weedhahan.
1-Markaan arkay qodobka 90 ee distoorka Somaliland.
2-Markaan arkay waayo aragnimadooda.
3-Markaan arkay inay gudan karaan xilka loo igmaday.
4-Markii aan sameeyey la tashi, waxaan hebal u magacaabay xil .
Shacabku hadaba waxay is waydiinayaan maxaa ka qaldan madax waynaha ee
marka hore uu usoo xulan waayay dad u qalma xilalka loo igmaday taasoo
ay xudun u tahay Amaano iyo Aqoon, si aanay u dhicin is bedelkan faraha
badan ee soo noqnoqday kaasoo laf jab ku ah horumarkii qarankan curdinka
ah iyo wax qabadkii bulshada, hadaba tani waxay keenaysaa inay
wasaaradihii iyo hayadihii kale ee dawladu la kulmaan dhibaatooyin
maamul marka mar walba loo keeno masuuliyiin cusub, taasoo dibu dhac
fara badan ku keenaysa horumarkii iyo hab wanaag u socodkii adeegyada
bulshada. Hadaba madax Wayne yaanu xaalku kaa noqon
(WASIIRA HABAYNTA HOGAANA SAMAYNTA HADHUUDHKU CARAALE HUFTOO HUFMI WAAYE MAXAAD KALA HAADIN).
Wabilaahi tawfiiq.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...