SALAAN KADIB WAXAN MID KHAAS AH U SOO DIRAYAA,

BAHDA HADHWANAAGNEWS IYO AKHRISTAYAASHEEDA.

ADUUNYADA DADBA JIRA, ADMIGGA LA NOOLUUN,

ARWAXODU MUUQDOON,UURKOODU MAQANYAY,

OOMANAHA JIILAAL,AWRTIYO DHAANKA LOO RARAY,

AYDAA QAAR FADHISTAN,AGGAAMAHA KA JEBIYAAN,

ODHAAHDA IYO HADALKANA,ISLAAMBA LA MOODAA,

IFAFAFAALAHOODUNA,AWLAADA WEEYE SHAYDAAN,

AXDI KAMA FULAYOO,AMAANIYO DULQAAD MA LEH,

WAXAASE KABA AYAAN DARAN,UMADAY U TALIYAAN.

ANFARIIRKA NAGU DHACAY,AMARKA EEBBE MA AHEE,

AQOON GAABNIDEENII,MAANT TAHAY AF KALA QAAD,

AQOONSI HAYGA JOOGEE,AMAANKIINA MA WEYDEEN,

AFKA TAAG INDHAHA DADAB,U SOO XIDHO ALBAABKO.

AWOODII TOGDHEERIYO,AWDAL IYO SANAAG BARI,

AASHOOD DHAQAAQOO,IDILKOODBA GOOSTEE,

ISXIDHYO MADAARKII,ISNA OODDA LOO ROGAY,

ILLAAHAY INTUU BADAY,EEGATADU HA JOOGAN.

         ISMAIL ABDILLAHI HANDULEH.