Hase ahaattee gacan ka hadalka(Violence) ayaa ah ka sharka keena,ee ay umaduhu ku bur buraan,gacan ka hadalka waxa keena kala duwanaanshaha fikirka oo loo adeegsado sida xun oo la isku naco oo lagu kala tago,Somalida waxad ku arki kartaa iyagoo qof fikirkiisa ku colaadinaya,ku takooraya,ama xattaa kula dagaalamaya,ta keliya ee meesha ka maqani waxa weeyaan adigu fikirkaaga qab waan kugu ixtiraamayaa,adiguna fikirkayga igu ixtiraam danta inaga dhaxaysana aynu wadanno

Dadyowga adduunka waxay aqbaleen in iyagoo kala qowmiyado ah,oo kala diin ah,oo kala midab ah caddaan iyo madow oo kala fikir duwan,haddana ay aqbalaan oo ay ku khasbanaadaan inay danta ka dhaxaysa wada ilaashadaan.

Tusaale yar waxa inoogu filan xilligii uu socday dagaalkii labaad ee Adduunka labada waddan ee cadaawadda ugu xumi dhex martay waxay ahaayeen France iyo Jarmal,dhinaca kale waxa labadan waddan jaar la ah dalka Switzerland,hadda garo oo Switzerland dadka ku nooli waa isla labadan dale e dagaalamaya waa French iyo German iyo in yaroo soo raacda oo Talyani iyo Roman ah,hase haatee dadka ku nool Switzerland waxay aqbaleen inay oo nabad ku wada noolaadaan haba kala fikir iyo jinsiyad duwanaadaan e,ama haba is dilaan dadkoodan kale ee la jaarka ahi,sidii Somalida may odhanin inagu kala dara!! Ee waxay ka ahaadeen dhex dhexdhexaad.

Sidaas ayaa loogu aaminay inay waddankaasi yahay meesha loogu soo hal qabsado dhex dhexaadnimo iyo nabad gelyo,waana meesha ugu badan ee lagu wada heshiisiiyo dalalka muranku dhex maro.

Waxa loo baahanyahay inay reer Somaliland iyo Somaliduba ay casharro ka bartaan Adduunka iyo waddamada kubka iyo bowdada ka soo jabay,ee qabyaalad nacay markii danbena samaystay wax ay heshiis ku yihiin oo ay wada ilaashadaan,isla markaana ku naalloonaya xassiloonida ay u tacab galeen.

Rashiid odowaa M.A diplomacy and IR

[email protected]

063-4101213