ay xukun ku ridday sagaal ka tirsan hoggaamiyeyaasha Catalonia oo lagu xukumay sagaal ilaa 13 sano oo xabsi ah.

Goonni u goosatada ayaa lagu eedeeyay inay ka qeyb qaateen afti xornimo doon ah oo sharci darro ah sanadkii 2017.

Saddex kale ayaa lagu ganaaxay amar diiddo, hase yeeshee xabsi laguma xukumin.

Dibadbaxayaal badan oo goonni u goosashada taageersan iyo booliiska ayaa isku dhac uu ku dhex maray Garoonka Caalamiga ah ee Barcelona.

Kumannaan taageerayaasha goonni u goosashada Catalonia ayaa sidoo kale isugu soo baxay waddooyinka iyagoo jidadka xiray.

Kaddib xukunka, warqad cusub oo xarig ah ayaa loo jaray hoggaamiyihii hore ee Catalonia Carles Puigdemont, oo dibadda ku nool.

Mr Puigdemont ayaa sheegay in dadka reer Catalonia ay dhibbanayaal u yihiin aargoosasho.

Wuxuu u qaxay Biljamka bishii October 2017 si uu uga fogaado in dacwad looga soo oogo Spain kaddib damacii goonni u goosashada ee fashilmay.

Gobolka qaniga ah ayaa hoy u ah ilaa 7.5 milyan oo qof, waxay leeyihiin luqad u gaar ah, baarlamaan, calan iyo astaan.

BBC