Marxuumku wuxuu ahaa nin aqoon yahana oo aqoontiisu gaadhsiisan tahay meel fog , nin wadaniya oo dalka jecel , nin qurbaha ku raagay oo hadan dadka iyo dalka aad u yaqaana .

Marxuumka wuxuu ahaa gudoomiyaha kaambaynka goboladda galbeedka somaliland ee xisbiga kulmiye 2008 , xiligaas oo aan ahaa arday firfircoon oo markaas jaamacada ka qalin jabiyey .

Waxaan nasiib u yeeshay in aan ka mid ahaa guddi dhalinyarro oo marxuumka la shaqayn jirtay , habeenadii ugu danbaysay noloshiisana ay ku kulmeen Hoteelka Oriental hotel Hargaysa , wax badana ka faaiday .

Hadaba marxuumkan oo ahaa macalin aan wax badan ka bartay muddo gaaban oo aan la shaqaynayay , waxaa ka mida ahaa , waxyaabaha xasuusta igu reebay ee maskaxdayda raadeeyey ,

1- Ahmiyadda iyo muhiimaddu wadankani leeyahay iyo nimcada ku duugan .

2- Barwaaqadda iyo badhaadhaha la gaadhi karro hadii la dadaalo loona shaqeeyo si hufan oo hagaagsan oo aan madmadow lahayn .

3- Dadaal iyo wadaniyada aan niyad jab lahayn .

Si kastaba ha ahaatee , inkastoo qaladaadka iyo kacaa kufku iska jiraan , mar walba waxyaabaha dariiqa igu soo celiya waxaa ka mida tilmaamihii macalinka oo igu soo maxda .