Muqdisho(HWN):-Garoonka diyaaradaha ee magaalada Muqdisho ayaa si ku meelgaadh ah loo xidhay.

Maamulka garoonka ayaa hakiyey shaqadii uu qabanayey gegida diyaaradaha Aadan Cade ee magaalada Muqdisho ka dib markii diyaarad xamuul ahi ay fadhiisatay iyada oo ay u soo bixi waayeen taayaradii u sahlayey inay fadhiisato.

Diyaaradan xamuulka ah ayaa ku go’an dhabada ay diyaaraduhu ka soo haadaan isla markaana ka soo dagaan taas oo keentay in la hakiyo diyaaradihii soo dagi lahaa ama ka duuli lahaa.

Hawl wadeenada garoonka diyaaraduhu ka haadaan ee magaalada Muqdisho ayaa haatan ku hawlan sidii ay dhinac ugu leexin lahaayeen diyaaradaas ku go’an dhabada garoonka.