Somaliland Baa Khaatumo Ictiraaftay Heshiisna La Gashay. Cali Afkalama Qaban Karo.
Dawlabdda SOMALILAND baa ictiraaftay ururka khaatumo ee Cali khalif hogaamina
yey heshiis la gashay oo Hargeysa khaatumo keentay.Cali khalif
waa nin aqoonyahan ah, siyaasi rug caddaa ah, khibrad aad u guda weyn u
leh arima SOMALILAND iyo SOMALIA ba.
SOMALIDU WAXAY TIDHAA TIMIR LAF BAA KU JIRTA. CALI KHALIF hadalkiisu
ma baydhbaydhin laga soo bilaabo intii Xukuumaddii SOMALILAND la
heshiisay ka dib, nuxurkii heshiiskii lala galayna wuu garanayaa Cali
khalif, xukuumaddii Siilaanyo ka xanuunsadayna waxay Khaatumo kula soo
heshiisay wey garanaysay iyo xusbigeediiba, madaxweynaha SOMALILAND Muse
Biixi iyo Saaxiibaddiina way garanayaan wixii khaatumo Lagula soo
heshiiyey, xisbiga Wadani ee baaxada weyni wuu la socday wixii khaatumo
lagula soo heshiiyey. Cali khaliif hadalkiisa wuxuu ku qotoma waxaan
rabnaa SOMALILAND la wada leeyahay oon imika saaxadda ka muuqan sidii
loo wadalahaana kasii fogaanaysa, arinkaasina hubaal wuxuu ka mid ahaa
wixii Cali iyo khaatumo iyo Dhulbante dadkii metelayey lagula soo
heshiiyey.
Xukuumadaha Kulmiye heshiisyadoodu badi waa wax aan la isku halayn
karin oo dabayl xagaa sidato. Waxaynu u soo joognay heshiiskii haamaha
ee ay ku dagaalameen baarlamaanka dhexdiisa, kii saldhiga ee ay waxay
samaynaysay xukuumaddu iyo guurtidoodu u soo joognay,hadaladii curfiga
lahaa ee Saleebaanka gaboobay afkiisa kasoo booboodaayey waynu ogayn
heshiiskii khaatumo oo imika ay rafidayaan ciyaal yar yar oo ina Buuni
ka mid yey oo Cali Khalif isku soo taagayo (impident young man).
Heshiiskii petrol waa kuwaa imika masaxaya. Heshiis Xukuumadda kulmiye
garanmayso, duniduna markay waxaa aragto ictiraaf iyo investment lama
geleyso waayo taariikhda heshiisyadaada la soo akhriyayaa.
Arintii Sannaag bari iyo qabiilka weyn ee warsan geli siday xukuumaddu
ula hadashay ay ula dhaqantay dawladnimo kama muuqan waanay tageen
gobolkaasi. Imikaan sida cali khalif loola hadlayaa waa Dhulbahante oo
dhulka baaxadda leh ku fadhiya oo reer SOMALILAND ah. Markaa Kan yaree
businessman ka ah ee danaystaha ah waxaanuu ogayn reer Awdal inay
Saamigii dhulbante qaateen oo madaxweyne ku xigeenkankii Sool lahayd
haystaan oo maanta ay USB dii ka guureen waxaa caddeeyey wiilkan yaree
ina Buuni ee Cali Khalif iyo khaatumo heshiiskii SOMALILAND la gashay
dabaqa saaraya. Somalidu waxay ku maahmaahdaa geel caruuri qaadday ma
dheera. Wadaadaa qaldan ee Kulmiye qaaday SOMALILAND la wada leeyahay
way diiday inay siyaasaddii soo oodmayso waxaa kuu caddaynaya waxaabay
inoo sheegayaan in Jubbaland na ka goayso Somalia oo ka hor imanaysa
qaddiyadii labadii Somaliyeed ee isku darsaday lixdankii arinkuna wuu
dhooqoobayaa hadday SOMALILAND wax ku darsato maamul goboleed SOMALIA ka
mid ah. Kiiskii caddaa ee SOMALILAND ee ka soo noqoshadii isku darkii
lixdankii wuu dhooqoobayaa hadday SOMALILAND u tagto Kismaayo.
M Bashe
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...