Dhaqdhaqaaqa Dardarta Leh Ee Xuska Maalinta Qaranimada Somaliland Ee 18ka May Oo Siweyn Looga Dareemayo Magaalada Laascaanood iyo Gobolka Sool Guud Ahaan
0
- Visits: 1536
-
- Share
Gobalka sool ayaa si ka duwan sidii horey looga dabaaldegi jiray xuska maalinta Qaranimada Somaliland ayaa laga dareemayaa ayaamahan.
Waxaa suuq balaadhan yeeshay dawaarlayaasha tola dharka iyo carwooyinka lagu gado calanka iyo astaamaha qaranka Somaliland.
magaalada laascaanood ayaa dhamaanteed lagu xardhay calanka somaliland sido kale fagaaraha laga xusi doono maalintan miisanka culus ayaa dhamaanteed la diyaargareeyay laguna buufiyay calanka jamhuuriyada somaliland.
Ardayda , ganacsata , siyaasiyiinta iyo masuuliyiinta ku dhaqan gobalka ayaa dhamidood u diyaar ah maalintan culan ee qarankani xuso sanad walba ee 18 May.
Gudomiyaha gobalka sool Mudane Cabdiqani maxamuud jiidhe ayaa sheegay in maalinta loo diyaargaroowo lana soo bandhigo waxyaabo ku cusub gobalkan , sido kale masuulkan ayaa ku baaqay in nabadgelyada gobalkan ay xasilan tahay maraysana meeshii ugu balaadhnayd abid, wuxuuna intaa ku daray in talaabo sharci ah laga qaadi doono cid kastoo ku kacda falal amniga ka dhan ah.
Maayarka degmada laascaanood, xoghayaha dawlada hoose , xildhibaanada golaha deeganka iyo dhamaan isuduwayaasha wasaaradaha ayaa u diyaar ah munaasibadan hawshoodiina wata.
Sido kale maalinta ayaa laga xusaya gebi ahaanba degmooyinka iyo tuulooyinka hoos taga gobalka iyadoo loo sameeyay gudiyo hawlgelin oo diyaariya xusida iyo maamuusida maalintan.
Gobalkan ayaa sidii loosoo magacaabay badhasaabkan cusub mudane c.qani maxamuud jiidhe ayaa galay weji ka duwan kii hore taas oo sababaysa in masuulkani yahay nin dhalinyaro ah kaaso u warhaya xaalka gobalka , sido kale yahay masuul hore uga sok shaqeeyay ururada daneeyayaasha arimaha bulshada iyo dhalinyarada, sido kale masuulkan ayaa ah kii ugu taageeraha badna ee abid soo mara gobalkan, waana mida sababtay amniga uu ku naaloonayo gobalkan.
ALLA MAHAD LEH.
Name=Sharma'arke faarax diiriye .
Email= [email protected]
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
