hadhwanaagnews
Xildhibaan Idiris Cabdi Maxamed ayaa maanta si rasmi ah loogu dhaariyey inuu ka mid noqdo Mudanayaasha Golaha Deegaanka Caasimadda Hargeysa, kadib munaasibad lagu qabtay xarunta Dawladda Hoose.
Xildhibaanka cusub ayaa buuxiyey kursigii uu baneeyey Maayirkii hore ee Caasimadda Hargeysa, Mudane Cabdikariim Axmed Mooge, kaas oo xilka Golaha Deegaanka ka baxay.
Dhaarinta Xildhibaanka Cusub
Munaasibadda dhaarinta ayaa waxaa ka qayb galay masuuliyiin ka tirsan maamulka Dawladda Hoose, xubno Golaha Deegaanka ah iyo marti sharaf kale.
Idiris Cabdi Maxamed ayaa si rasmi ah u qaatay dhaarta dastuuriga ah ee xubinnimada Golaha Deegaanka, isaga oo ballanqaaday inuu si daacadnimo iyo masuuliyad leh ugu adeegi doono bulshada Caasimadda Hargeysa.
Buuxinta Kursi Bannaanaa
Xildhibaanka cusub ayaa beddelaya kursigii uu ka tegay Mudane Cabdikariim Axmed Mooge, oo hore uga tirsanaa Golaha Deegaanka Hargeysa ka hor intii aanu ka bixin xubinnimada Golaha.
Masuuliyiintii madasha ka hadashay ayaa ku hambalyeeyey Xildhibaan Idiris Cabdi Maxamed xilka cusub ee loo dhaariyey, iyaga oo u rajeeyey inuu si hufan uga soo baxo waajibaadka loo igmaday.
Adeegga Bulshada
Xildhibaan Idiris Cabdi Maxamed ayaa dhankiisa uga mahadceliyey masuuliyiinta iyo xubnaha Golaha kalsoonida la siiyey, isaga oo sheegay inuu ka shaqayn doono horumarinta adeegyada bulshada iyo danaha shacabka Caasimadda Hargeysa.
