HADHWANAAGNEWS
Agaasimaha Guud ee Wasaaradda Tamarta iyo Macdanta Jamhuuriyadda Somaliland, oo ay weheliyaan masuuliyiin heer gobol iyo heer wasaaradeed ah, xildhibaano ka tirsan golaha deegaanka Ceerigaabo, ayaa booqasho shaqo ku tagay degmada Facawayne ee hoos timaadda gobolka Maydh.
Masuuliyiintu intii ay ku sugnaayeen degmada Facawayne, waxay si rasmi ah u dhagax-dhigeen Xarun Tamarta Cusboonaanaysa, taas oo lagu xoojinayo helitaanka koronto ku filan oo gaadha magaalada, isla markaana wax ka tari doonta horumarinta adeegyada bulshada.
Sidoo kale, Agaasimaha Guud ayaa la dardaarmay garab-qaaratada ka shaqaysa macdanta, isagoo nidaamiyey goobaha ay ku hawlgalaan. Wuxuu faray in qalabka shaqada la isugu geeyo hal meel, lana hubiyo in laga fogaado ilaha biyaha iyo biyo-mareennada, si loo ilaaliyo dadka iyo deegaanka, loogana hortago waxyeello mustaqbalka ka dhalan karta.
