HADHWANAAGNEWS
1. Xoojinta Cibaadada iyo Xiriirka Alle:
Xiriirkaaga Ilaah waa aasaaska guusha dhabta ah. Markaad qalbigaaga ku xoojiso cibaadada, ducooyinka, iyo akhlaaqda wanaagsan, waxaad heshaa xasillooni, hufnaan, iyo awood aad ku wajahdo caqabadaha nolosha. 2026 ha noqoto sannad aad qalbigaaga iyo naftaada ku xoojiso xiriir qoto dheer oo aad Alle la yeelato, adigoo ka dhigaya cibaadada saldhigga horumarkaaga.
2. Dib u Habeynta Hadafyadaada iyo Himilooyinkaaga:
Sannadka cusub waa fursad aad ku dejiso hadafyo dhab ah. U Qorshee tallaabo tallaabo, la soco horumarkaaga, oo ha ka baqin guuldarrooyinka iyo caqabadaha—maxaa yeelay waa casharro lagama maarmaan ah oo kaa caawinaya inaad horumar dhab ah sameyso. Himilo cad ayaa kuu ogolaanaysa inaad sannadkan ku wajahdo nolosha kalsooni, qorshe, iyo geesinimo kuu saamaxaya inaad xaqiijiso guulo la taaban karo.
3. Bedel Deegaankaaga:
Haddii aad dareento in tamartaadu ay yaraatay ama horumarkaagu ku xanniban yahay jawi aan kugu habboonayn, sannadkan waa waqtigii aad beddeli lahayd deegaankaaga. Bedelidda deegaanka waa tallaabo caqli iyo geesinimo u baahan oo fure u noqon karta fursado cusub iyo guul la taaban karo.
4. Ku Xeer Naftaada Dad Aad Isku Duruuf Tihiin:
Saaxiibada iyo bulshada kugu hareeraysan waxay si toos ah u saameeyaan fikirkaaga iyo horumarkaaga. Ku xeer naftaada dadka ku taageera, ku dhiirrigeliya, oo kaa caawiya inaad gaarto himilooyinkaaga. Xulashada saaxiibo wanaagsan waa talaabo muhiim ah oo ay tahay inaad mudnaan wayn siiso sannadka cusub.
Waxaan idin rajeynayaa mustaqbal ifaya. Guuleysta Saaxbayaal❤️
Ku soo biir oo igala soco Boggayga
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
