Hadaba Dadkii Sac-Maalka ahaa waxa ay ahaayeen dad dhaqanka
Aduunka xiligan aynu jirno Aadamuhu waxa ay Ku Xidhiidhaan oo wax walba Ku kaydiyaan Qoraal, wax qorkuna waa wax lagu abbabiyo Dhalaanka iyada oo loo billaabo marka ay Garaad fahan leh yeeshaan, iyada oo caruurta lagu carbiyo Qalin qoraalka iyo Akhriska.
Sidoo kale Diinteena islaamku waxa ay dhiiri gelisaa Qoraalka iyo Akhriska, maxaa yeeley suuradii ugu horeesey waxyiga Allah SW ee kusoo degtay Nabigeena Suuban ee Maxamed NNKHA, waxa ay ahayd, Suurada IQRA, "AKHRI" .
Akhriska iyo Qoraalku waa wax mihiim ah, waana Shay Allah ina faray in la barto Akhriska iyo Qoraalka.
Hadaba Aduunka waxa Ka jira farro la qoro lana Akhriyo oo tira badan, se waxa isweydiin mudan Far la qoro fartee ugu horaysay aduunka?
Waa su'aal qaro weyn se mudan in lays weydiiyo, maxaa yeeley wax isweydiintu waa waxa kobciya maskaxda, sidoo kalana lagu ogaado wax aadan aqoon, taas oo koridhsiimo siisa maanka iyada oo cuddaysa kobaca Garaad iyo Aqoon, uu qof yeesho.
Hadaba dad badan oo aqoon-yahan ah ayaa rumaysan in Aadamuhu kasoo tisqaadmay oo Fircamay ama kasoo Ankumay degelka bariga Afrika, Gaar ahaan Geeska afrika, halkaas oo ay yaalaan Raad-raac cadaynaaya fikirka in Aadamuhu kasoo unkumay Bariga Afrika, taas oo ay caddayn u tahay Qoraalada qadiimiga ah ee gowdiida degelka Geeska Afrika.
Degelka Geeska Afrika waxa Ku qoran Saddex Far oo kala Jaad ah, far-qoraaladaa oo kala duwan, oo mid kastaba hindiseen dad kala madax banaan, iyada oo la xaqiijin karin tii ugu horaysay ee la hor Hindisay, maxaa yeeley ma jirto cid baadhitaan isbarbar dhig leh Ku samaysay, se Saddexdaa Far qoraal mid Ka mid ah ayaa soo gaadhay xili aan aad u fogayn, se goorta farahaa la curiyey waa Mudo aad u fog oo Ka badan shan iyo Toban (15) kun oo sanadood .
Saddexdaa Far ta ugu wakhtiga dheereed ee soo dhawaatay, waa Far ah far xikmadeed ah Qaab Sawir se ay dhex gowdiido Taariikh iyo tirsi Boqortooyo ah mid aan aduunka Horteed iyo Dabadeed aan la arag!.
Fartaasi waa Fartii Sac-Maalka, Farta Sacmaalku waa mid Ka mid ah saddexda farrood ee Ku xardhan Geeska Afrika, Farta Sacmaalku waa Far qadiimi ah se MAAHA Far aan odhan karo waa ta ugu faca Weyn saddexda far, waayo taasi sugudeedu waa mid baadhitaan iyo isbarbar dhig lagu ogaan karo, saddexda far, ta ugu faca Weyn, Se, waxa aanu Muran Ka joogin in Farta Sacmaalku tahay ta ugu wakhtiga dheereed saddexda farrood.
Farta Sacmaalku maaha far Shaqal iyo Shiibane leh se waa far Xikmadeed, Xikmad qor Sawir ah.
Faraha aduunka Ka jirta xiligan farta kaliya ee lala xidhiidhin Karo ama lagu masayn Karo Fartii Sac-Maalka waa Farta Shiinaha, waayo Farta Shiinuhu waa far Sawir-qor ah, taas oo ah nashqado 10.000, Toban kun oo sawir in Ka badan Ka kooban, inkastoo xiliyadan danbe isku celcelis saddex kun oo Sawir la adeegsado taas oo Sawir lagu ladhaayo Sawir kale lagu Eray sameeyo.
Hadaba Dadkii Sac-Maalka ahaa waxa ay ahaayeen dad dhaqanka Ku adag oo waxa ay joogtaystaan si sahlan aan uga tagin, waana ta keentay in aanay Ka tegin qaab qoraalkoodii, sida ay odhan jireen (Caado la gooyaa Cadho Allah ayey leedahay) oo uga dhignayd Waxa la joogtaysto in Aan la dayicin, si dhayal ahna looga tagin.
Hadaba Waxa aanu muran Ka joogin in Ummad wax qorta aduunka Dadkii Geeska Afrika Ku noolaa kow Ka Ahaayeen, sidoo kalena Qoraal qorkan casriga ah ee Shiibanaha iyo shaqalka ah ay iyagu lug Ku lahaayeen, waayo Dadkii ugu horeeyey ee fartii sawirada ahayd Shiibanayaal u badeley waxa ay ahaayeen Faraaciintii Qadiimiga ahayd oo dad ahaan kasoo Jeeda Sac-maal iyo reer kale oo iyana Ka mid ah Saddexda reer ee degenaa Geeska Afrika, se waxa aanu Muran Ka joogin in Faraaciintii Hore Sacmaal Ahaayeen, Ayna ahaayeen Faraacintaasi kuwa soo kordhiyey Qaab qoraalkan aduunku maanta adeegsado ee Shiibanaha iyo shaqalka ah,
Waayo iyaga ayey Ahaayeen Dadkii ugu horeeyey ee Shiibanayaal adeegsada, ah xarfo tabtii qoraal sawirkii Sacmaal Aan ahayn, inkastuu ahaa sawiro se sawiro xaraf u taagan ayay ahaayeen.
Sida tusaale B=Baal, T=tusbax, inkastoo aanay sidan ahayd hadana si udhiganta oo sawiro ah ayey ahayd, waana taariikhda markii ugu Horaysay ee Aadamuhu adeegsado xarfo fadhiya oo aan isbadbadelin, halkaasna laga sii tisqaaday ilaa inta aynu soo gaadhnay qaab qoraalkan Shiibanaha iyo shaqalka ah ee Aduunka maanta lagu adeegsado.
Hadal iyo Dhamaan aduunka Dadkii ugu hor Hindisay Far ay isku fahmaan oo ay Ku kaydsadaan Sooyaalkooda Taariikheed, waxa ay ahaayeen dadka aynu Ka JOOGNO ee Sac-Maal la odhan jiray, se kama danbaystii la magac baxay HOOYOLEY, iyada oo taariikhdii ay inoo dhiteeyeen weli dihin tahay, oo inta lays hortaago afkii Sac-maalka/Hooyoleyda ee weli aynu ku hadlayno lagu Akhriyaayo!, waxaan Jirin Jaahil baa sheegee!, waana wax ALLAH SW loogu mahad naqo Alxamdulilaah.
Shalaad XarXariiq barateene
Hortiinbaanu Xardhi jiray!.
Qadar Hooyoley.
hadhwanaagnews 
