Madaxweynuhu waxa uu halkaa ka jeediyay hadal mug leh oo si qoto
Madaxweynaha Jamhuuriyadda Somaliland, Mudane Cabdiraxmaan Maxamed Cabdilaahi (Cirro) iyo wefgigii ballaadhnaa ee uu hogaaminaayey oo galay maalintii 5-aad ee SAFARKA WAXQABAD IYO MIDNIMO ee ay ku joogeen Magaalada Burco ee Caasimadda Gobolka Togdheer, ayaa maanta si rasmi ah dhagax-dhigay TAALLADA HALGAMAAGII WEYNAA EE REER BURCO EE XORNIMO U DIRIRKA ahaa AHUN Sheekh Bashiir Yuusuf Xaaji Xasan.
Madaxweynuhu waxa uu halkaa ka jeediyay hadal mug leh oo si qoto dheer u taabatay quluubta iyo shucuurta bulshada reer Burco, isaga oo ummadda reer Somaliland dib u xusuusiyay kaalintii iyo halgankii geesinimada lahaa ee uu Sheekh Bashiir ku xardhay Taariikhda Xornimo-doonka Ummadda Somaliland.
Madaxweynuhu waxa uu carrabka ku adkeeyay in dib-u-dhiska iyo qurxinta Taallada Sheekh Bashiir ay astaan u tahay Sharafta, Xusuusta, Xurmaynta iyo dhiirrigelinta jiilasha soo socda, si ay u fahmaan, xasuustoodana ay mar walba ugu dhignaato qiimaha halgankii loo soo maray xorriyadda iyo madaxbannaanida Somaliland.
Bulshada iyo masuuliyiintii ka qayb-gashay Munaasibadda Dhagax-dhigga ayaa si weyn u muujiyay dareen sharaf iyo qiiro leh, iyaga oo ku tilmaamay taallada Sheekh Bashiir in ay tahay dhaxal Qaran oo Taariikhi ah oo kobcinaya wacyiga iyo garaadka waddaniyadeed ee bulshada Somaliland.
hadhwanaagnews 
