Shimbirtii waa lasoo qabtey , waxa la geeyey
in dhawaydba waxa iska daba imanaayey warar sheegaaya in somaliyada koonfureed (muqdisho) basaasyo u soo diratey somaliland iyo in ay soo weerarayaan ciidamo ay leedahey somaliya .
oo ay xagga badda berbera ka soo weereri doonaan iyo warar kale oo la mid ah .
Hadaba waxa lagu arkey duleedka magaalada Hargeysa SHIMBIRO cagta ay kaga xidhan tahay QALAB lagaran waayey .
arintaas oo shaki iyo baqasho abuurtey oo loo maleeyey in qalabkan shimbirta ku xidhani yahay (QALAB BASAASNIMO) oo ay dawlad ajinabi ahi ku soo xidhatey (sida xukuumadda muqdisho) .
Shimbirtii waa lasoo qabtey , waxa la geeyey xarunta bilayska (police ka) , waxa loo gudbiyey qaybta sirdoonka , si ay u soo baadhaan qalabka shimbirta cagta kaga xidhan .
laakiin
Waxay soo ogaadeen in shimbirtu ku nooleyd xarun cilmi baadhis shimbiraha logu sameeyo ,
qalabkanna uu yahay (aalad) cilmi baadhiseed oo lagu agaanaayo shimbiruhu dhulka ay u kala gooshaan (haajiraan) iyo noloshooda .
Waxa hadaba layaableh, waxa bulshada somaliland loogu abuuraayo baqashada iyo xukuumadda muqdisho ee aan 5 ta km ka talin ee ciidamada shisheeye (ajinabiga ahi) ilaaliyaan , in laynugu bajiyo ama kuwa maamul goboleedka yar ee qabiilka qudha ah ee punttland .
Waxa kale oo cajiib ah in laynaga dhaadhiciyo inay jiraan dawlado badan oo neceb jiritaanka somaliland , oo doonaaya inay nabadda ka jirta burburiyaan .
Sidaa awgeed waxa habeen iyo maalin ba , bulshada loogu hanjabayaa (waar nabad gelyadiina ilaashada , oo wax kasta oo xukuumaddu idinku sameyso haka dhiidhiyina , hana diidina , oo aqbala dulmiga -cadaalad darada
-xasuuqa -eexda
-qabyaaladda- musuq maasuqa- dhaca- boobka hantida qaranka – xadhiga sharci darada ah – hanjabaadda -cagajugleynta ………. ).
Haddii kale nabad gelyada iyo xasiloonida aynu haysano , ayaa burburi doonta , oo lawaayi doonaa .
Bulsho yahay sidaa daraadeed waxaad ogolaataa , wax kasta oo khaldan oo xukuumaddu idinku sameyso .
Hadaba baqashadan bulshada lagu abuurayaa , waa mid aan waxba ka jirin.
Waxay mareysaa shimbiro basaasiina ayaa laynoo soo direy , oo nabad gelyada iyo xasiloonida wax yeeli doonta .
bal adba eeg dadka sida laysugu diraayo iyo colaada meesha la gaadhsiinaayo.
CALI BIIXI
Hadhwanaagtv 
