Hadhwanaagtv Hargaysa (HWN) Weftiga xisbiyada mucaaradka Somaliland ayaa soo gabagabeeyay wada hadallo ay magaalada Nairobi kula lahaayeen waddamada Somaliland ka taageera doorashooyinka iyo dhanka horumarka.
Guddoomiyaha Xisbiga WADDANI Md Xirsi Cali Xaaji Xasan ayaa qoraal uu kulamada kaga hadlay ku sheegay in ay is fahan iyo guul ku dhammaadeen kulamo is daba-joog ahaa oo ah maalmihii u dambeeyay la yeesheen Beesha Caalamka ee danaysa doorashooyinka iyo Horumarka Somaliland.
"Waxaanu soo
gebogebaynnay maalintii saddexaad ee kulamadii Xisbiyada mucaaradku ay
lalahaayeen waddamada Somaliland saaxiibbada la ah ama ka caawiya
Doorashooyinka iyo mucaawinooyinka kala duwan ee xagga horumarka iyo
bini-aadamnimada.
Waxaannu maanta
kulamo la qaadannay Safaaradaha Norway, Germany iyo Maraykanka ee Nairobi.
Dhammaan kulamadaasi waxay noogu dhammaadeen guul.
Danta Somaliland ayaa inoo ballan ah,” ayuu yidhi guddoomiye Xirsi Cali Xaaji Xasan
