Hargaysa (HWN) Masuuliyiin
uu hoggaaminayo madaxweynaha DDS, mudane Mustafe Muxummed Cumar ayaa lagu soo
dhaweeyay magaalada Tog-wajaale ee Somaliland. Socdaalkan ayay ujeeddadiisu
tahay xoojinta xidhiidhka is-kaashi iyo midka walaalnimo ee ka dhexeeya labada
shacab ee walaalaha ah.
Masuuliyiinta waxaa
ku qaabbilay xudduudka Deegaanka Soomaalida iyo Somaliland masuuliyiin sar-sare
oo ay ka mid ahaayeen wasiirka arrimaha gudaha Somaliland, mudane Maxammed
Kaahin Cabdi iyo wasiirka wasaaradda war-faafinta Somaliland, mudane Saleebaan
Cali Koore.
"Marnaba ma
tihidiin marti oo waxa aad timaaddeen dhulkiinnii hooyo", waxaa sidaasi
yidhi wasiirka arrimaha gudaha Somaliland.
Geestiisa
madaxweynaha DDS, mudane Mustafe Muxummed Cumar ayaa sheegay in ujeeddada
socdaalku yahay xoojinta xidhiidh walaalnimo ee labada shacab.
"Xidhiidh ganacsi iyo mid walaanimo oo guyaal badan jiray illaa dunidani casriga kahor oo ka dhexeeyay labada shacab ee Soomaalida ah ayaa xididaystay saddex sanno oo isbaddal dimuqraadiyadeed iyo mid siyaasadeed oo ku salaysan qadarinta, wax-wada-qabsiga iyo la-dhaqanka walaalaha jaarka ah ay la timid xukuumadda haatan majaraha u haysa Deegaanka Soomaalida".