23 / 11 / 2019 Keene iyo kordhiye

Keene. Waar yaa kordhiye saaxiib way faala beeshay

Waxay raacday wadadii xumayd ee jarka ku dhammaanay-say

Kordhiye. saaxiib waxa kasii daran gaadhiga la saran yahayna

Waa bilaa joojiye.

Maansada . ilameer

Ma bineeyo kii aan ahayn

Beedad-kii runahe

Aan bilaabo maansadan ba,ley

Soo ban-dhigi doonto

Ber yahaaba faalaan ku jiray

Iyo baxnaa-nayne

Wakhti baxay askari buuba hoo

Tala ka baydh baydhay

Botor iyo kolkii uu ciyaar shacab

Hor bood booday

Dhawr sano kolkuu bilic samaa

Baab kaluu furaye.

.

Beeshuu ka soo jeeday iyo

Baha wadaagtiisa

Baawar qolo ah waa kii dhisiyo

Beladi shaydaane

Waa tii badheedh meel kastaba

Booba ay timiye.

Basar xumiyo xaajadu markay

Buulashaw hoyatay

Markay baalal kibir yeelatee

Samada loo booday

.

Burco iyo waqooyiga markii

Bixida loo diiday

Markii ay berbera xaadireen

Baashe wada naaxay

Baabuurta shaca soo degsaday

Bililiqayn gaadhay

Waa tii baquu soo xidhmee

Ciilku buuxsamaye

Waa tii rasaas loola baxay

Bahalki weynaaye

Soddon baynu baabkaa nahiyo

Baas la soo maraye

.burso iyo haddii baadil iyo

Xumuhu beeraado

.

Waar bedela xumaantaa haddii

La isku biineeyo

Haddii baaq intii jeedisaba

Jeelka laga buuxsho

Haddii baar caddayn iyo aftaag

Ay ka bixi weydo

Ilameer hadday soo baxdiyo

Baga inaan qooqay

Ku bilaaba mooyee wax kale

Iima soo bixine

 

Guuleed liibaan snm1710@livecom