Waxqabadka Badhasaabka Gobalka Sool Oo Ah Mid Aan Weligeed Gudoon Kale Qaban.
aduunka waxa ugu qiimo
badan kasbashada bulsho ama dad waayo saanu ognahay waxsoosaar kasta waxa ugu
muhiimsan in la dhiso dadka ( human capital), masuulkan ayaa caan ku noqday
horumar iyo shaqo badnaan, waana mid awood u leh shaqada loo igmaday, waana ruux
aan marnaba ka caajisayn hawlaha uu dadka u hayo.
Cid kale maaha qofka aan
ka hadlayo waa badhasaabka gobalka sool mudane ABDIQANI MAXAMUD JIIDHE, kaas oo
mudadii uu joogay booskaas kasoo midh baxay sida cadceeda dhamaan badhasaabada
gobalada somaliland.
(Leadership is about
vision and responsibility, not power.)
Hogaamintu waa aragti
fog iyo masuuliyad laakiin maaha awood.
Masuulkan ayaa horey uga
soo shaqeeyay shaqooyin la xidhiidha arimaha daryeelka bulshada (social
welfare), sido kalena qayb weyn ka ahaa ururka dhalinyarada soomaliland ee
Sonyo, wuxuna ahaa madaxa hay'ada maxaliga ah ee LYVO , wuxuu kaloo soo qaybtay
agaasimaha baratakoolka ama habmaamuuska madaxtooyada soomaliland, mana aha
shakhsi kusoo booday xilqabashada.
Waxyaabaha lagu xasuusan
doona uguna culus ayaa ah in uu si caaqilnimo ah uga qaybqaatay deminta
colaadii koonfurta mudada badan ka jirtay taas oo ay dhamaan ku fashilmeen
maamuladii ka horeeyay.
Sido kale waxa uu
dardargeliyay shaqooyinkii dawlada ee ka jirtay gobalkan , waxa uuna dabagal
iyo kormeer ku sameeyay dhamaan isuduwayaasha wasaaradaha u qaabilsan gobalkan.
Waxa uu ka qaybqaatay
shaqo gelinta dhalinyarada gobalkan inakoo og xaalada shaqo la'aantu (
unemployement) saamaynta ay ku leedahay dhaqaalaha ama dakhliga dadka , waxaana
shaqo gelin lagu sameeyay dhalinyaro aad u tiro badan kuwaas oo hada ka
hawlgala xafiisyada kala duwan ee dawlada.
Sido kale waxa uu gacan
bir ah ku qabtay nabadgelyada dadka , sido kalena sugay amaanka gobalka guud
ahaantiisba, ciidankuna hadh iyo habeenba ay wareegayaan laamiyada iyo
xaafadaha gobalka.
Wuxuu joojiyay
mukhadaraadka khamriga , wuxuuna ka hor tegay ganacsigiisa iyo cabistiisa,
ciidankana wuxu ku amray inay joojiyaan maandooriyahaas.
Wuxu gobalka u horseeday
inay ka shaqeeyaan haayadaha caalamiga ah ,taas ok hada ka hor aysan jirin ama
yaraadeen, hadeerna waxay ka hawlgalaan dhaman degmoyinka gobalka.
Sido kale wuxuu ka qayb
qaatay dhisida dhalinyarada iyo wacyigelintooda, wuxuna door weyn ka qaatay
koobkii dhawaan kusoo idlaaday degmada lascanod.
Sido kale wuxuu fuliyay
oo door weyn kulahaa mashruucii townplaneka kaas oo badhasaabyo hore ku
fashilmeen in ay fuliyaan.
Wuxu ka qayb qaatay
xalinta khilaafyo badan oo gobalka ka dhacay , kuwaas oo uu wanaag iyo nabad
kusoo dabaalay.
Qore: sharmaake Faarax
Diiriye
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!