Guddoomiyaha Golaha Wakiillada Somaliland, Mudane Yaasiin Xaaji Maxamuud Xiir (Faratoon), ayaa maanta si rasmi ah ugu dhawaaqay xildhibaannadii ka maqnaa fadhigii saaka ee Golaha, iyadoo magacyadooda lagu baahiyey warbaahinta iyo saxaafadda madaxa-bannaan.

Guddoomiyuhu ayaa sheegay in tallaabadan ay qeyb ka tahay nidaamka isla xisaabtanka iyo kor u qaadista waajibaadka mudanayaasha Golaha, si bulshada loogu iftiimiyo xubnaha ka baaqday fadhiyada muhiimka ah. Liiska xildhibaannada maqnaa ayaa si cad loo shaaciyey, iyadoo arrintan ay dhalisay hadal-heyn ku saabsan ka qeybgalka iyo gudashada waajibaadka Golaha Wakiillada Somaliland.