Isu-Eekaanshaha Muddo Kordhintii 2009 iyo Tan Soo Socota ee 2022.
Madaxweyne Daahir
Riyaale waxa loo kordhiyey laba goor oo kala ahaa 2008 iyo 2009-kii. Haddaba
muddo kordhintan miiska saaran ee ay Golaha Guurtidu u sameyn doonaan
madaxweyne Biixi waxa ay dhici doontaa sidii tii 2009-kii oo kale oo ahayd:
= Muddo kordhintii
2009-kii waxa ay ku timid markii ay guddiga doorashooyinku soo saareen wakhtiga
ay doorashadda madaxtooyada ku qaban karaan. Ka dib madaxweyne Riyaale ayaa
waraaq u qoray Golaha Guurtidu, taasi oo uu ku sheegayo inay is-waafajiyaan
wakhtiga ay qabteen guddiga doorashooyinku inay doorashadda madaxtooyadu ku
dhacdo iyo sidii ay xukuumaddu kursiga sharci ugu fadhi lahayd. Sidii ayey Golaha Guutidu muddo kordhinta u cuskadeen.
Waxa ay adeegsadeen
qoddobka 83-naad ee Distoorka, firqaddiisa 5-naad ee qabsoomid la’aanta
doorashadda.
= Guddoomiyaha golaha
Guurtidu wuxuu guddi u saari doonaa inay ka soo talo-bixiyaan mudadda ay
suurtagal tahay in loo kordhiyo xukuumadda madaxweyne Biixi. Soo jeedinta
guddigaasi ayaa golaha la kor keeni doonaa, markaasaa cod loo qaadi doonaa. tan
iyo intii ay dhacayeen muddo kordhinuhu inta ay qabtaan guddiga doorashooyinku
ayey golaha Guurtidu wax ku kordhiyaan.
= Doorashadda Ururrada
waxa ay guddiga doorashooyinka ka hadli karaan, marka lagu wareejiyo natiijada
ka soo baxda guddiga diiwaangelinta ururrada ee ah ururraddii soo baxay.
Markaasi ayey sheegi karaan wakhtiga doorashadda ururradda iyo saddexda xisbi
qaran ee jira ay qabanayaan.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!