Yaan Uga Dacwoodaa Dulmigii Igu Dhacay...?
Ma tafaaxal khayrkii
aan sameeyay ayaan ku Mutaystay waxaas tacaddi ah?!!
Waxay ahayd Saaka 8:00
aroornimo wakhti aan ku jiray hawl maalmeedkayga shaqo ee caadiga ahaa, ka dib
markii aan kasoo noqday qof dumara oo aan geeyay Kaalinta Kaah dhinaceeda bari.
Waxaa agagaarka
Markaska Tabliiqa igu joojiyay 5 Askari oo police ah waxaanay igu yidhaahdee
''adeer nasii qaad,, waanan qaaday, cabaar markii aan soconay ayay 3 ka mid ah
raggii police ka ahaa iga dageen waxaanan usoo dhaqaaqay dhinaca galbeed ee
wadada new Hargeisa dhex marta.
Labadii askari ee
hadhay mid ka mid ah oo Shidhka hore fadhiyay ayaa dhirbaaxo aanan filayn
wajiga iga huwiyay, yaabay oo idhi maxaad samaysay waayo xataa hadal nama dhex
marin askariga I dhirbaaxay.
Markii aan su,aalay
''maxaad igu dilaysaa ee aan sameeyay,, intuu hooyaday caayay qoriga
dabadiisana feedhaha dhinacooda bidix igaga gujiyay ayuu yidhi '' lacag keen
hadii kale waad xidhantahay.
Anigoo yaaban ayaan si
cadho leh ugu jawaabay maxaan lacagta ku bixiyaa ee aad igu haysataan,
Ka dib labadii askariba
intay qoryihii igu qabteen ayay igu leexiyeen xarunta Ciidanka taraafiiga oo ay
yidhaahdeen ''xidha ninka wuxuu soo hor maray gaadhigii taliyahee,,
Cajab; furihii gaadhiga
iyo telefoonkiiba la iga qaad, suunkii iyo kabihiina inta la iga saaray ayaa
meel la igu xareeyay.
Waxaan ku jiray ilaa
5:50 galabnimo waxaana la iga qaaday lacag dhan: 500,000slsh ah Simcard kii
mobile ka iigu jirayna inta laga saaray ayaa la iga tuuray.
Hadaba maxaa la igu
dilay, la igu xidhay ee lacagta intaa leeg la igaga qaatay, Simcard kiina la
iiga tuuray...?!!
Ma tafaaxal khayrkii
aan sameeyay ayaan tacadigaas oo dhan ku Mutaystay.?!!
Yaan se uga dacwoodaa
dulmigii igu dhacay ee police ku ii gaystay..?
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!