Waa Ciidamo Aan Dab Sidan Hase Ahaate Ku Hubaysan Qalabka Muusiga
.
Shalay waxa ay ahayd
maalintii loo fooladaynayay 1419 arday oo ka Qalinjabinayay Jaamacada Hargeysa,
waxaana xarunta jaamacada la keenay ciidanka baanboyda, iyada ujeedadu ahayd
dhiirigelinta iyo soo dhaweynta ardayda, safafka dhaadheer ugu jiray tagista
hoolka ay munaasibada qalinjabintu ka socotay, waxa ay ka tirsan yihiin ciidankan
booliska, waxaaney u tababaran yihiin tumista astaankasta oo dalkeena ah.
Muddo badan ayay
dhisnaayeen, waana koox bulshada dib u xusuusiya heesaha waddaniga ah.
Usha ay sitaan ciidanka
baanboydu, magac nooce ah ayay
leedahay? Maxayse tahay faa’idada ku jirta? Usha waxa loo adeegsada hagista
kooxda ciidanka baanboyda.
Baddi ciidamada
baanboydu waa dad xirfad iyo aqoon u leh tumista kala duwan ee baando musikada.
Kooxda ciidanka
baanboyda ee aanu sawirka kuwada jirna marka laga yimaado garaacista
astaankasta oo dalkeena, sidoo kale waxa ay awood u leeyihiin tumista iyo
garaacista astaankasta oo dalalka caalamka ah, si dalka loogu soo dhaweeyo
waftiyada caalamiga ah ee dalka imanaya.
Waanu uga
mahadcelinayna sidii hagar la’aanta ahayd ee astaamaha baando musiga noogu
tumayeen ilaa aanu ka fadhisanay kuraasta naloogu tallo galay.
Mahadsaniniin
Allaa Mahad Leh
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!