BISMILAAHI ALRAXMAAN ALRAXIIM [A.S.C.W.R.W.B],

TU KHAAS AHNA BBAHDA H/W IYO AKHRISTAYAASH.

BULSHO NABAD BELO KII DHEXDHIGA,BUUNA U AFUUFA,

BUUNBUUNSHA BEENIYO WAX BAAS,WELIBA SII BAHSHA,

BASAR XUME BUKAAN SOCOD ISBIDAY,BUURTI JEBELQAF,

BIGIL TUMA COLAADEED DADKANO,NABAD KU BAASHALA,

BUUQ IYO DAGAAL DOONAYEEN,BIDHIQNA CAANAYNIN,

UNA BASAASAY BOODHIYO QAXIYO,BAAHIDIYO GAAJO,

BARWAAQADIYO RAAXADA KA BIDAY,BALANBALKI QAAXO,

BOGSI MA LAHA CUDURKU QABAA,BAALUUN UGA BAYDHA,

BARAKICIYE BEELAHAN NABDOON,DIRIR KU BAAQAAYA,

BELAAYADU MARKAY TAAGANTAHAY,BAYDADYO CARAR,

BIRTA GOORTA LAYSULA BAXUU,BILIG YIDHAAHDAAYE,

BADHEDHIMAYO WELIGII HADDAY,QARAXDO BAARUUDU,

BAALAXUUFTADUU KUGU DILAA,BAWDYA WEYN FULUHU,

BUUS INTOOD TIDHAAHDAAN,BARTO BURIYA FAANKISA.