Qodobada Ka Soobaxay Kulan Gudida Horumarinta Beelaha Arab La Yeelatay Waxgaradka Beesha. SAWIRO
Hargaysa (HWN) Gudida Horumarinta Beelaha Arab ayaa xalay kulan balaadhan kula qaatay waxgaradka Beelaha Arab magaalada Hargaysa, gaar ahaan hudheel Caydiid.
Kulankan ayay labada dhinac kaga wada hadleen qodobo badan oo mihiim u ah Beelwaynta Arab, sida lagu sheegay warbixin ay baahisay gudidu oo uu ku saxeexanyahay Gudoomiyaha Gudida Arab. Dr. Jimcaale Sheekh Xasan, waxaanay warbixinta laga soo saaray kulanku uqornaa sidan hoos ku qoran
WARBIXIN:
Xalay oo ay taariikhdu ahayd 14/01/2022, waxa Hall-ka Aided Hotel ka dhacay kulan ay soo agaasimeen Gudida Horumarinta Beelaha Arab.
Waxa kaso qayb galay dhammaan qaybaha kala duwan ee bulshada, sida siyaasiyiinta, aqoonyahanka, qurbojoogta, dhalinyarada, iyo haweenkaba.
Kulankan gudidu waxa ay kuso bandhigtey daraasad ku saabsan xaalada guud ee deegaanada beesha Arab weyne ka dego Somaliland, warbixintu waxa ay taabatay dhinacyada waxbarashada, caafimaadka, biyaha, beeraha, iyo Arimaha bulshada.
Warbixintu waxa ay iftiimisay aagaga ay waajib ay tahay in wax laga qabto, itaal darraduna ka jiro.
Gudidu waxa ay soo bandhigtey mashaariic horumarineed oo balaadhan oo laga fulin doono deegaanada Arab weyne, si wax looga qabto baahiyaha jira.
Si ay u hirgalaan Mashaariicdani waxa ay taakulo xooggan gudidu uuga baahan doonta bulshada sidii loo fulin lahaa.
Caawa, waxa la ibo furay sanduuqa Horumarinta Beelaha Arab, oo qaadhaankii u horeeyey ee mashaariicda horumarinta wax lagaga qabanayey qayb ka mid ah lagu yaboohay, bulshada inteeda kalana ay qayb ka noqon doonan.
Ugu danbayn, waxa la isla qaatey in tubta Horumarka cagta lasaaro, isku duubni iyo wax wada qaybsina aynu ku gaadhi doono Hirar fara badan oo ina horyaala.
Gudida horumarinta Beelaha Arab
Allah mahad leh.
Jimcaale Sheekh
Jimcaale Sheekh Xasan DrAshraf