Xasuuqii uu Janaraal Caydiid u Geystay Raxan-weyn iyo siday Puntland u layso, Soomaalilaan umay layn.
=
Janaraal Caydiid oo adeer u ahaa Raysal wasaaraha Soomaaliya ee haatan wuxuu
dawladdiisii Sal-ballaadh ku dhawaaqay 18/6/1995. Waxa aanay ka koobnayd
hoggaankii jabhadii USC/SNA ee uu hogaaminaayey Janaraal Caydiid. 17/9/1995 si
uu awoodiisa milatari u tijaabiyo wuxuu weerar saf ballaadhan ah uu ku qaaday
maamulkii beelaha Raxan-weyn oo fadhigoodu ahaa Baydhabo. Maleeshiyadii
Janaraal Caydiid uu hogaaminaayey ee USC/SNA ayaa cagta marisay dhammaan
ciidamadii beelaha Raxan-weyn oo ay ugu tun weynaayeen Digil iyo Midhif.
Waxa fara cididood kaga baxsaday hogaamiyihii maamulka Raxan-weynta oo la odhan jiray Xasan Sheekh Ibraahin (Xasey). Waxa ay maleeshiyadaa Caydiid horkacayey ee ka soo qamaamtay gobollada dhexe ee Soomaaliya, waxa aanay gobolada Bay iyo Bakool ka geysteen xasuuq aan weligood loo geysan. Kufsi wadareed iyo dilal boqolaal qof oo aan loo aabo yeelin ayaa labadaa gobol ay ka geysteen maleeshiyadii Janaraal Caydiid. Raysal wasaaraha Soomaaliya ee haatan ha loo sheego in aanay Soomaalilaan u xasuuqin Raxan-weyn sidii uu adeerkii u xasuuqay.
= Maxkamadda ciidamada Puntland ayaa 14/6/2021 waxa ay xukun dil ah ku fulisay 18 eedaysane oo dhammaantood ka soo jeeda deegaannada Koofnur galbeed ama Raxan-weyn ah, kuwaasi oo lagu eedeeyey inay yihiin Al-Shabaab.
=
17/10/2020 waxa ay maxkamadda ciidamada Puntland xukun dil ah ku fulisay 40 ka
mid ah eedaysaneyaal ka soo jeeda beelaha Raxan-weyn oo dhammaantood lagu
sheegay inay Al-Shabaab yihiin.
Waxa
aynu soo qaadanay saddexdaa dhacdo ee taariikhaha ku sugan, way se ka badan
yihiin inta qof oo Raxan-weyn ah oo ku maqan gacanta Caydiid iyo Puntland.
Haddaba Soomaalilaan oo si nabad ah baabuur u saartay shicibka Raxan-weynta ah
ee markii la soo baadhay lagu ogaaday inay qayb ka yihiin falalka ammni darro
ee ka dhaca Laasacaanood, maxaa looga qaylinayaa? Jawaabta way caddahay waana
cadaawadda loo hayo Soomaalilaan.
Cali Cabdi Coomay
Suxufi, Qoraa ah.
Hargaysa, Soomaalilaan.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!