Muuse Biixi Oo Tacsi Udiray Ehelkii Uu Ka Baxay Marxuum Maxamed Cabdi Arabey
0
- Visits: 786
-
- Share
TACSI MADAXWEYNE: 25/09/2021
INNAA LILLAAHI WA INNAA ILAYHI RAAJICUUN
Madaxweynaha Jamhuuriyadda Somaliland, Mudane Muuse Biixi Cabdi, isagoo ku hadlaya magaciisa, ka dawladda iyo ka shacbiga Jamhuuriyadda Somaliland, waxa uu dhambaal tacsi ah u dirayaa, waayeelka, waxgaradka, aqoonyahanka, qoyska, ehelada, qaraabada, asxaabta, iyo shacbiga Somaliland, ee uu ka baxay Alle ha u naxariistee Marxuum Maxamed Cabdi Arabey oo ku geeriyooday xalay oo ay taariikhdu ahayd 25/09/2021, caasimada Somaliland ee Hargeysa.
Waxaanu madaxweynuhu marxuumka ku sifeeyey oday waayeel ah oo ka baxay dalka iyo dadka, door muhiimana ka soo qaatay, nabadayntii iyo dib u dhiskii waddanka.
Waxaanu Madaxweynuhu
marxuumka ALLE uga baryayaa inuu naxariistii janno ka waraabiyo, waxgaradka,
waayeelka, aqoonyahanka, qoyska, ehelada, qaraabada, asxaabta iyo shacbiga
Somaliland ee uu ka baxayna samir iyo iimaan saadiqa ka siiyo.
ALLAA MAHAD LEH
Xafiiska Warbaahinta Madaxtooyada JSL.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
