Ila Qosol, ..... C/llaahi Maxamed Cumar.
Nabad iyo caano akhristayaal,
Intiinnii hore ula socotey iyo inta ku soo biirtayba, waa sheeko kale oo ka mid ah
toddobaadlaheennii; Ila Qosol.
Sanadihii 1974/75 kii waa tii loo baxay Ololihii ballaadhnaa ee
Hor-u-marinta Reer MIyiga. Ololahaasi oo ujeeddooyin badan laga lahaa, ayaa ta ugu muhiimsani waxy ahayd; in dadka reer baadiyaha (miyiga) ah la soo baro
akhriska iyo qoraalka farta Afsoomaaliga.
Haddaba, tuulo ka mid ahayd dhulkaasi Ololaha laga fuliyey, ayaa aad
u aflaxdaa oo dadkeedii barteen; sida wax loo qoro. Markii ay barteen
sida
shaqallada iyo Shibbanayaasha la iskugu akhriyo, ayaa qof waliba isku dayey, innuu waraaq (letter) gacantiisa ku qoro oo waxa uu doonayo ku sheegto.
Haddaba waxa jirey, gaadhi u kala bixi jirey tuuladaasi iyo
magaalada ugu dhaweyd ee ay dadka tuulada deggani ka soo muraadsadaan.
Ninkii dirawalka ka ahaa gaadhigaasi oo awal farriimaha iyo wixii
magaalada laga soo iibinayaba afka laga faran jirey; ayaa haatan qof
waliba waraaq yar far soomaaliya u dhiibey oo waliba bilaa gal ah! Nin
waliba buuggii yaraa ee u farta ku baranayey, ayuu dacal ka jeexday!
Ninkii dirawalka ahaa ee waraaqaha qaadi jirey, ayaa dhawr jeer lagu yidhi, "
Ina hebel ama hebel waxad ku tidhaahdaa, wixii aad warqadda ku soo qortay waa la garan waayaye ee soo sheeg!"
Ninkii wadaha (driver)ka ahaa, ayaa isugu yeedhay; dadkii waraaqaha u dhiibi jirey oo ku yidhi, "
Waar yeedhe, waxa la idin yidhi; ninkii tuulo heblaayo waraaq ka soo dirayoow, soo raac!!"
Macnaha kaa qoray mooyiye, cid kale waxa uu qoray ma akhriyi karto -
isla markaasina waxaa uu qoray; cid aan isaga ahayni ma fahmeyso!
Imisaa imikaba la arkaa waraaq qof soo qoray ama hay'ad ka soo baxday oo
soo raac ah!!
Cabdullaahi Maxamed Cumar
Email: [email protected]
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...