TU KHAAS AHNA BAHDA H/W IYO AKHRISTAYAASHEEDA.

XILDHIBAANO DOONKIYO,XUSULDUUBKA ORODKAY,

XISBIYADU GELAAYAAN,U XAYTEEN DADWEYNAHAN,

XAALADIISU XAAL TAHAY,XOOGSIYO SHAQANA HAYN,

XAYRAANKAY KU TOOSEEN,XAAFADIHII LA TEGAYEEN,

XAABNA SOO HELAYNEE,LA XAROODA BAAHIDA,

XANUUNKII KAROONANA,XANAANIYO DAWO LAHAYN,

XAGGA ILAAHAY MOOYEE,XERO LOOGU JIRO ADAG,

XABAASHAADA SII QODO,XAY HADII AAD WELI TAHAY,

XISAABTANIYO ISWEYDIN,XAARAANTA LAGA DHIGAY,

XOOG LAGU TARTAMAYEE,KA XISHOONAYAA QADAYO,

XEELAD LAGU SHAQAYSTIYO,XOOGSIGU KU HOOS JIRA,

XOOLO QAAR KU BIXIYOO,GURYAHII SOO XARAASHIYO,

XADHKO GOYSYO TUUGAAN,XAQA QARANKAN BIXINOO,

XUUBSADAY DANTII GUUD,XURMADII DADWEYNAHAN,

XABAAL DHEER KU RIDAYO,XOOLAHAY KA BOOBEEN,

XADHIGA AY MUDNAAYEEN,XISBIYADU DAMIINTEEN,

XAAFADIISI SUGAYAAN,XISBIGANA KA QAYB YAHAY,

XARFAD REER MAGAALIYO,XEER WEEYE SOO JIRAY,

XUMU WAXAY BILAMAAN,XANAAQAAN DADWEYNUU,

XILKA GOORTU LA ANBADO,XOOGIYO WAX BOOBIYO,

DANTA GUUD XARAASHAAN,XABAALA KOLAY TAHAY,

XUKUUMADA U CIYAARAAN,XISBIYADOODI DIIDAAN,

XAAFADIHII KA DHAARTAAN,IYO DUULKI SOO XULAY,

XALAAL HADDUU KU IMANLA,XISAABU KA BAQANLAA,

XISHOOD KAMA MADHNADEN,WAX BAY XEERINLAYEN,

XASHIISH GURENA NOQO OO,XARAGADA HA MOGAAN,

ISMAIL ABDILLAHI HANDULEH.