Shalay subaxnimadii markii aan tagey Berbera oo in aan gudaheeda shaah ka cabaa ay iigu dambaysay 2014 , markii aan sidaa uga degey baabuurkaba waxaa judhiiba i gartay oo isoo dhaweeyey shaqaalihii xafiiskii aan u socday oo marka lagga rabo hal qof aanan mid qudha ka garanaynin halka iyaggu dhamaantood ay iga garanayeen .

Xafiiskii markii aan ka tagey waxaan u kacay geesta Barri ee Magaaladda anoo raacey wadada Dhakhtarka Barri uga baxda cabaar markaan socday ayaa waxaa iga hor yimi laba wiil oo dhalinyaro ah , si xishmadle ayay ii joojiyeen iina salaameen salaan iyo is waraysi ka dib waxay iga codsadeen in aanu kulano waqtiga oo igu yaraa awgeedna waan ka cudur daartay .

Intaa ka dib waxaan tagey Hoteelka Xayaat ee isla Magaaladda Berbera ,Hoteelkaasna waxaa isna sidii si la eeg iigu soo dhawaysay dhalinyaro badan oo aanan aqoonin hassa yeeshee iyagu i garanayay .

Hoteel Xayaat markii  aan ka dhamaystay hawshii aan u socday waxaan iska marmaray shaaracyadda Berbera , waddo kasta oo aan marana qof baa igu joojinayay iguna salaamayay , dhamaan asxaabtaasina iyaga ayuun baa i garanayay .

Akhriste waxaan is waydiiyey Xildhibaanadda Baarlamaanka Somaliland ee xilka hayay 15 Sanadood intee baa tolay Dhalinyarada Berbera muuqooda iyo Magacyadooda taqaanaa , haba yaqaaniine intee bay siday iisoo dhaweeyeen oo kale ay usoo dhawayn lahayeen hadii ay shalay ku arki lahaayeen Berbera dhexdeeda , Xishmadda iyo karaamaddu Xil iyo Xoolo midna kuma xidhna .