Dulmi Bay Ku Bahawdee Ha Is Daaqdo'e Daawo ( Abdi-Shotaly).
0
Wednesday September 09, 2020 - 09:17:05 in Articles by Hadhwanaag News
- Visits: 1241
-
- Share
Qore:- Abdi- Shotaly.
Waxa hore loo yidhi " labadda xaaraanta ku heshiiyaa xaqay isku
dilaan ama isku qabsa-daane" Allay-lehe haday mid-mid isu cuneen, kuwii
Somaliland nolosha ku gawracay, iyadda oo sare taagana luqunta iyo
afarta luguud gooyey. Waa aduun-yoo ilayn aayo ma lahee, qudhmiye ma is
raa-saday, Maxamuud beenaale ( waa ka loogu yeedho maxamuud xaashiye) oo
ah kii dalka iibshay, ee colaadda dhex dhigay, iskuna dilay Goboladda
bari, labadda Guri ka siistay Birmingham iyo London ee seediggii ku
qoray, Guriga weyn ee ka soo hor-jeedda Aqalka Madax-weyne Siilaanyo-na
ka dhistay, Hargeysa-na lacagtii ay Dawaladda Kuwayt ugu tallo gashay in
lagu dhiso "Garoonka Diyaaradaha Ee Burco" jeebka ku shubtay,
lacag-taas oo dhamayd $5,000,000 oo ah doolarka Marsykanka. Sidoo
kale,tiro ma leh iyo qiyaas mid-koodna, hantidda uu ka hoos saaray
Xoolihii uu kaga iibiyey Imaaraadka dekedda Berbera iyo Garoonka uu ka
xaraashay, Si uu Sal-dhig ugu noqdo. Maxamuud beenaale baa saaka
cabaadkii iyo cabasho aan xad laayn ka waq siiyey, markii maantaa
debedda loo tuurey siddii "Guuf Timiri ka dhamaatay" Markii ay labaddii
askari ku meel gaadheen. Nabsi-yaw ba', durba qudhmiye ma isku baxay,
saw kala dareer iyo tusbax go'ay muu noqon. Rabbi wax-ba kama qarsoonee,
haday kala war sheekoodeen, oo khiyaamaddii iyo dabinkii ay ummadda ku
lugooyeen, ay haatan isku haystaan, xaalku taagan yahay car iyo car, ee
uun Allaw isu daawadda " Qidhmiye" oo cagta saarau dhabaddii hooga iyo
burburka, yaa ka naxaaya ee ay u waramayaan? Ma shicibkii ay u wadda
heshii-yeen? Sireey soo caad oo saddex ha gaadhin baa murtiyi ahayde,
Maxamuud beenaale baa maanta daadku qaaday. Denbi bay ku bahawdee, ha is
daaqdo'e daawo.
Wan weyni ilaa la gawraco, indhi-hiisu cirka ma arkaane, si wacan
u arag, oo dhaaya-haaga ugu eeg, in geeri go'an taayi-raddii ay kaaga
ban-jareen. Horaa loo yidhi " Nin cunaha la qabtay, xaar ama dhuusye"
Bal noo sheeg maxaa kaa yimi? Nabsigu wuxu is daba yaalaa iyo
godobtu-ba', sidda daruuraha cirka iyo dabay-shaas weeye, waa taas xaga
samadda Rabbi uu ugu jaray caynkii iyo bayddii, ee sidihu cidla ugu
go'ay tuugtii isu urur-satay ummadda.Wuxu yidhi Cali Dhuux (Ihun) " Waa
lagu digtaa ruux hadduu kuu daraan jiraye? Bal dayaay Maxamuud Beenaale
wa kaa isna sii dabay-shadaye" Af buuxa baa lagu yidhi siddii caruurta "
Ka bul dheh sheekhaw" Wax-ba meesha kumma yaalaane. Akhristaw, Hal-hal
bay kuwii ku bahoobay tuug-nimadda, beenta, dhaca hantiddii ma
guur-tadda ahayd ee ummadda. ku shuraakooay. Wax la isku xan qarsada-ba,
oo balan-koodu ahaa qaataye-qaado, markii ay gunta isla gadheen, baa
muwaadin imika la isku haystaa " Xeedha sal-keeddii" oo mid waliba
fandhaan aan cidi la wadaagin uu rabaa in uu keliggii ku dhuuqo, ilayn
waxa soo gaba-gaboobay, oo kor uga soo baxay qudhunkii la isu
dhiibaayey. Imika bay askartii iyo Ina Xaashi isku riix-riixayaan, wixii
ay malma-luudeen ee xeerka ay ka dhigteen, kaas oo dalka iyo dadka lagu
khiyaameeyey, ay leeyihiin sidan buu ahaa iyo sdaa muu hayne sidaas buu
ahaa. waxan leeyaha Maxamuud beenaalaw dameero u sheeg xeerarka aad
akhriyeyso, adiga Iyo ka aad sheegaysaa, waxad tihiin kab iyo
xaar-keede.
Waxa la yidhi " Dacawo halkay macal ku barato, bay macaluul ugu
bakhti-daaye, marki lagaasoo af qabtay, miyaad qaylo ka wadhay?"
Qudhmiye bilaa faataxa ayuu dhabarka jeediyey, isaga oo aan la maydhin,
kafan lagu xidhin, oo qaawan buu iilka si wacan isugu aasay. Shalay waxa
ka sii horeeyey " Qabyo-tire" Oo al-baabka laga soo xidhay, inta weliba
askar loo dalbaday ay iska hor taageen, lagu yidhi ma soo geli kartid,
isaga oo uu la socdo Suldaan-kiisii, wixii wadha-dhac ka baxaayey iyo
sidan baa la igu sameeyey-dda jooji, ka wadda markhaati baad tihiin,
haddii aad indhaha iska tuuray-saan iyo haddii kale-ba. Jeegaani way
burburtay, marya-alool isna meel uu jaan iyo cidhib dhigay lama hayo,
intii ugu dambaysay ee lahayd " Xeedhadda sal-keedda subug iiga
muuq-daa" iyana waa kuwaas kala yaacay, Cali Gurey oo xil-doon ahaa isna
waa looga qoor gooyey. Jamaal Cali Xuseen isna far-yaro bidix buu
siddii jinka ka baxay. Waxan ku soo af-gooyey qoraalkan, horaa loo
yidhi, oo ay maah-maah u ahayd " Ninkii waraabe korsadaa, isaguu
makalaa" Waa dhab, haduu Maxamed beenaale ku waashay " Askarigu abaal ma
laha iyo mee heshiiskii kulmiye u yaalay. Waxan-se u sheegayaa ama aan
odhan lahaa" Waar cataabka iska daa, way kuu dhamaatee, oo ha ka daba
ooyin ee ka tasho, waa haddii ay in uun kugu hadhay maskaxi, waa
habeenkii xalay in aad meel kale uga soo dusto, siddii aad meel uga heli
lahayde, aan kula taliyee ka dal doorso, oo ku soo biir mucaaridka xaq u
dirirka ah, inta goori-goor tahay yaan bas kale kaa tegine. Meel
dhimatay ha ka dhul sugune.
* N.B Dacawo Halkay Macal Ku Barato, Bay Macaluul Ugu Bakhtidaa!
Qore:- Abdi- Shotaly.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...