Waxa ay ku taageertay inay diiddo ragga dumarka sawirrada weyddiiya iyo kuwa faraqa dumarka baadha.

Waxa ay ku khilaaftay diidmada abwaannada iyo weriyeyaasha. In qaadka laga dawoobi karo ayay xustay, ugu dambaynna waxa ay soo-jeedisay inay raadiso qof madax bannaan halkii ay nin xaas leh ka dooni lahayd.

Waxa ay tidhi

Nin Abwaan ka wanaagsan

Wallee waanan helaynnin

Weedhu soo tebinaayiyo

Warkiisaa ba i deeqa

Walaf kii ku mirqaama

Wado oo ku kaxayso

Waxa uu budlinaayo

Ku weelee kartidaada

Ka dawee wadhidaasna

Inuu waanada qaato

Ninka jeeb wakinaayo

Adigoon walax siinnin

Weyddiintiisa horjoogo

Waaba ruux warmo haystoo

Wadiiqooyinka xoogga

Ku weeteeya haweenka

Waaba yaabe waryaahe

Sawirkaad wacanayso

Waaga joogiyo laylka

Marba wiilka tad saarto

Wejigaaga fur leeday

Wecel yaw iska nooli

Wallee kama raseeyo

Warku waa laba nooce

Weriyaa jira heedhe

Nin ragaa ugu wanaagsan

War na so tebi naaya

Oo wanaaja quluubta

Intaad heedhe walaalo

Ku wareertay nin naagle

Eed walaaqi adduunka

Ku wareegga qof xaasle

Waxa kaaga wanaagsan

Waxmahayste miskiin ah

Adigoo wacadkiinna

La wandaafsha jacayle

Warsan doob kula qaata

La wadaagto nasiibka

Wiigag soo yara raadi