Addis Ababa (HWN)  Sida ilo wareedyo ku sugan Muqdisho ay xaqiijiyeen, Wasiirka Warfaafinta Soomaaliya Maxamed Cabdi Xayir Maareeye ayaa dhawaan magaalada Addis Ababa kula kulmay wasiir ku xigeenka warfaafinta Somaliland Cabdinaasir Cumar Jaamac..

Kulanka oo qarsoodi ahaa ayaa looga wadahadlay sidii labada wasaaradood u wada shaqeyn lahaayeen, sida ay goobjoogeyaashu xaqiijiyeen.

Safarka uu iminka ku joogo magaalada Addis Ababa wasiirka warfaafinta Somaliland Saleebaan Koore ayaa waxa uu dab socdaa kulamada qarsoodiga ah ee labada dhinac.

Wasiirka Warfaafinta Muuse Biixi ayaa sidoo kale la soo tebinyaa in uu kulamo hoose la yeeshay safiirka Soomaaliya u fadhiya Itoobiya  Cabdixakiin Cabdullaahi Cameey, oo hore u ahaa madaxweyne ku-xigeenka Puntland isla markaana ay wasiirka ka soo wada jeedaan gobolka Sool.

Xukuumada Muuse Biixi ayaa hada si qarsoodi ah u ogolaatay in siyaasiyan hoos tagto Dawlada Federalka Soomaaliya, iyada oo aan arintan weli si toos ah bulshada loogu soo bandhigin.

Arinta is weydiinta mudani waxa ayse tahay, Taliska Muuse ilaa intee ayuu isbedelkan siyaasadeed ka qarin karaa bulshada, maxeyse tahay sababta dhabta ah ee soo dedejisay isbedelka siyaasadeed.

Hadhwanaagnews

Addis Ababa, Itoobiya