Sanadkii 1941 markii Jarmalku halakeeyey Ruushku nin la odhan jirey Sorge ayaa jabaanka uga soo diray in aan jabaanku Ruushka kusoo duulaynin sidaa darteed uu jarmalka uun iska caabiyo , sidaa darteed ruushku isagoo fursadaa ka faaidaysanaya ayuu ciidamadiisii joogay bariga ruushka usoo wareejiyay Moosko , hadii aanu warkaas helin jarmulku wuxuu qabsanlahaa Ruushka , ninkaas ayaana badbaadiyey ,hassa yeeshee waxaa la aqoonsaday guushiisa 1964 oo lasiiyey bilad isagoo mootan .

Kacaankii Ruushka ka dhacay 1905 , Lenin iyo saaxiibadii waxay joogeen Swizerland , hassa yeeshee dad baa aragtidoo fuliyey oo boqortooyadii ruushka riday , hassa yeeshee cidina ma xasuusna guusha Lenin ayuunbaa la siiyaa , waase dhacdo aan ugub ahayn .

Dhinaca Snm guulaha ugu waawayn waxaa sabab u ahaa dhalinyaradii snm ee sooma jeestayaasha ahaa , hasa yeeshee magacyadda saraakiisha ayaa la xusaa inta badan .

Tusaale , ninka halkan igula sawiran magaciisa waxaa la yidhaahdaa Shabac koosaar dhuule , wuxuuu ku biiray snm 1982 , waxaanu ka mid ahaa dadkii ugu horeeyey ee galay tababarkii baabuli , waxa kale oo uu ka mid noqday ururkii hawl-galadda gaarka ah ee harag-waafi ee fulin jirey gaadmooyinka khatarta ah .

Dhinaca kale , wuxuu ka mid ahaa dhalinyaradii baratay hubka teknikadda ee aadka ugu dagaalami jirtay , waxaanu ka qayb galay inta badan dagaaladii snm , sidda hawlagadii xuduudka , Geed-balaadh ilaa bali-dheeg 1983-1988 .

Geesta kale , shabac ilaa imika waa ragga aan nasan ee shaqeeya ee sidaa idiin muuqata weli dirayskii xidhan , waxaanu ahaa mudooyinkii ugu danbeeyey Taliyaha hawl-gelinta qaybta

31 aad ee ciidanka Qaranka , waxaanu door firfircoon ku lahaa guulihii ciidankiisu gaadheen beryihii dhawayd oo aad loogu amaanay , hassa yeeshee saraakiishii la xusay 18-may 2020 kuma aanu jirin , biladihii la bixiyeyna lama siinin , waxaana la midda saaxiibadii , Xasan geney , Axmed koosaar( siilaanyo) , Baashe fanax oo dhamaantood soo halgamayay ilaa 1982 ilaa maanta , kuwaasoo dhamaantood aan la xusin ,sideedabana taariikhda cid aan la aqoon ayaa samaysa .

W/Q: Ahmed Nour Guruje