'' Ilaahii joogay baa jirra '' .
1- Mar keliya waxaa lagga qaxay oo laga dhaqaaqay dhulka u dhaxeeya Gabiley ilaa Ceergaabo , dhamaan dadka intaas oo magaalo iyo degmo degen oo ka faradha madhan hanti oo dhan ayaana isugu yimi meel banaan oo qaxoonti ah .
Dadkii faraha madhnaa ee qaxoontiga isugu yimi , xiliga oo dhulku qoyanaa , saxariir iyo saxa-xumo iyo dayacii ay la kulmeen awgeed waxaa ku dhacay laba xanuun oo saf mara kuwaasoo kala ahaa .
1- Kaneeco/Duumo .
2- Joonis .
Masiibadaa waxaa ku baxay dad laggu qiyaasay 140 kun oo qof, qoys aan jiradaasi gaadhin oo aanay dad ka galaafanina ma jirro .
2- Gumaadkii iyo xasuuqii Dawladii Soomaaliyeed shacabka kula kacday oo isna ah wax aan la arag oo la maqal ayaa isna sanadkaa dhacay .
3-Dhibka kale oo isna sanadkaa bilowday wuxuu ahaa ,dadka labadaa masiibo , ee xanuunadda iyo gumaadku halakeeyeen ayaa hadana uu ku socday dagaal saf balaadhan ah oo mar keliya ka socday Ceergaabo ilaa Gabiley , kaasoo maalin walba khasaare joogto ihi ka dhacayay .
Ilaahay fadligii dadkii waxaasi soo mareen , caawa waakaa buux dhaafiyey meel walba , ee magaalo waliba toban jibaarantay ee shanta qaaradood meel walba buuxa .
Sidaa darteed maanta oo dadku nabad qabo , ladan yahay , barwaaqo iyo nimco laggu jirro , dadka cabsoonaya ee warwarsan waxaan leeyahay , Walaalayaal Ilaahii joogay baa jirra , Ilaahii waxaas oo masiibo ah inaga soo saaray ayaana aynu hoos joognaaye isaga tallo saarta isagaa inagu filane , wixii awaamiir iyo tollo caafimaad la ina farana halagu dadaalo .
# Farxalo oo feejignoow #
W/Q: Ahmed Nour Guruje
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!