Sidaa darteed Xisbiyadda aduunka waxaa ka dhex socda hirdano aragtiyeed oo aan dhamaad lahayn , kuwaasoo hadba koox iyo aragtiyaheeda lagga adkaado , ka dibna inta adkaataa aragtideeda u bandhigto dadwaynaha , inta lagga adkaadayna wuxuun bay sugtaa waqtigeeda sidaas ayuunbaa loolankaas aan dhamaadka lahayn loogu jiraa .

Waagii dhawayd ee doorashadda Maraykanka Xisbiga Dimuqraadigga waxaa ku tartamay marwadii Hillery Clinton iyo Odayga Sanders , loolankii dhex marayna meel xun buu gaadhay , madaxdii xisbiga iyo Madaxwayne Obamana Marwaday la safnaayeen , hassa yeeshee Sanders lama eryine aragtihiisii ayuun baa lagga codeeyey lagana adkaaday , isna kama waaline wuxuun buu isu daayay shacbigii Maraykan iyo Xisbigii Dimuqraadiga iyo marwadii u sharaxnayd ,wixii dhacayna waatii la ogaa .

Markii dooraashadii Hellery dhacday , markale waakan Sanders soo rogaal celiyay , Xibigii Dimuqraadigana madaxdiisi waxay wadataa odaygii Obame ku xigeenka u ahaan jirey ee Joe Biden , hassa yeeshee waxaa muuqata in Sanders maanta dadku la hayo oo xagiisa bishu u caano shubatay .

Sidaas ayaana aduunka oo dhan axsaabtiisu u qaybsan tahay oo xisbi waliba u leeyahay garabo tartan iyo xifaal ka dhaxeeyo , marbana garab ayuun baa xisbiga dhexdiisa ku adkaada , kaasaana lala shaqeeyaa .

Sidaa markay tahay , Aduunka xisbiyadda dadka lagama eryee , dadkaa la doondoonaa , waayo dadkuba waa kuwa laggu tartamayo hanashadooda iyo kasbashadooda , shuqulkan axsaabta Somaliland baratay ee ah in la yidhaahdo xisbi baa qof lagga eryeyna waa wax u gooniya axsaabteenan cajibka ah oo aan Aduunyadda inteeda kale ka jiran , marka lagga reebo xisbiyadda shuuciga ah iyo kuwa ka jirra wadamada xisbi keliyaalaha ah ee aan xisbiyadda badan lagga ogolayn sidda Shiinaha .

W/Q: Ahmed Nour Guruje