'' Puntland Maxay Noola Yaabanayd''.
Qaybtii Cabdilaahi ciise waxay tidhi , niman yahaw dawlad baanu nahay , waxa yagiina waanu qaybsanaye wixiina haysta oo meel idiin ma haynee halkiina iska jooga , qaybtii Muuse Boqora waxay tidhi , waar niman yahaw meeshan anaba waxba kuma hayno , cid idin afgaratana ma ogine , bal iska dul qaata wax aad la yaabtaan hadii aragtiin .
Odayaashi waxay waxay qaateen tii Muuse Boqor ,waxanay yidhaahdeen wax kasta qaata oo aynu midowno uun , ka dibna waxaa loogu jawaabay , waxaa aad tidhaahdeen in dadkiinu idina la qabo iyo in kale ayaanu hubsanaynaayoo wafti baanu idiin soo diraynaaye imika iska noqda , sidaas ayay midnimaddi ku dhacday qasabka ah ee reer Somaliland wax walba kaga tanaasuleen .
30 Sanadood markii reer Koonfureedki leewarkaas kulul uga soo dhaqaaqi waayeen waatii burburtay ee laggu kala dhaqaaqay , hadaba waxaa cajiib in Puntland maanta halkii Somaliland gashay , Madaxwaynihii , Raysal wasaarihii , caasimadii , taliyeyaashii waa wada koonfur , Puntland waxba ma hayso , waxaana loogu daray cunaqabatayn tacliimeed oo aan Aduunkaba horre loogu arag .
Sidaa markay tahay , Puntland waxaan leeyahay , walaalayaal wixii na qabsadayna waa ogaydeen , waxa idin qabsadayna waa aragtaane , maxaa 30 sanadood noola yaabnaydeen ilayn waxaasuun baanu ka tagnay idinba la yaabantihiine .
W/Q: Ahmed Nour Guruje
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!