Raadkii Aan Doraad Dhigay Miyaan Dib Ugu Soo Laabtay Waa Beesha-Dhexeee Ay Hogaaminayaan 2da Kornayl.

Visits: 1361
(Rating 0.0/5 Stars) Total Votes: 0
0 1
Share via Social Media

Raadkii Aan Doraad Dhigay Miyaan Dib Ugu Soo Laabtay Waa Beesha-Dhexeee Ay Hogaaminayaan 2da Kornayl.

Nin Philosopher ahaa oo u dhashay dalka Denmark baa lahaa xigmad

Share

Nin Philosopher ahaa oo u dhashay dalka Denmark baa lahaa xigmad

tidhaa nolosha dunida waa inaad adigoo xagga dambe u jeeda aad horuu socotaa. MADAXWEYNE MUSE IYO WASIIRKA DAAKHILIGU XIGMADDAA WAY KHILAAFSANYIHIIN OO IYAGU DIB IYO WIXII LA SOO DHAAFAY BAY DAAWANAYAAN OO DIBNA WAY U SOCDAAN. Waa arinta shacabka SOMALILAND ay ku kala qaybiyaan si ay Kursiga ugu fadhiyaan oo ay siyaasadda ma dhalayska ah ku campaign gareeyaan shacabka boqolkiiba todobaatan waa Somaliweyn boqolkiiba 25 baa reer SOMALILAND ah boqolkiiba shanta waa Gabooye oo weligood Xuquuq da bilaadnimo waxba looga ogola. Arintaasi waxay inagu celisay inay SOMALILAND nimadii mar sida cadceedda u soo baxday dib looga noqdo oo maanta qalbiga dadka aanay kuna jirin waayo maamulka Kulmiye dib buu wadanka u celiyey oo himilo wadanimo oo shacabka ka dhexeysaa ma jirto. U fiirsada waxaa lagu hadlaa in dalka la kala leeyahay oo siyaasad xumo keentay gobolo ka baxeen SOMALILAND, dhaliyaradii Jamacadaa kasoo baxay markii ay fahmeen Madaxweynaha Khudbadiisu iyo wuxuu xafiiska ku dhex qabtaa inay kala jaad yihiin inay Mogadisho u dareereen oo fursado u raadsadeen. Siyaassadda Kulmiye Awdal waxay tustay inaan loo baanay, Sannaag bari iyo Sool wey tageen qaarna waxaa hoos u socda beri dhaw inay Dawlad Goboleed u gaara ku dhawaaqayaan. Waxaa inoo Muuqda inuu madaxweyne u dhaqmayo sidii maamuladii shan boqol oo sano ka hor dhulalka Carabta u dhami jireen oo wax walba laga baryayo oo uu isna shaqadiii wadanka iyo institutions ku qaban lahaaayeen uu isku koobay oo ku dhex dawakho oo qudbadihiisii noqdeen sheeko mafrisho miidhan. Wax waloo hore inoo soo maray dib bay usoo noqonayaan iyagoo bilaa milixa. Gudidii Doorashooyinka ee la soo dhaafay Madaxweynahaa kelifay ummadda in dib loogu soo celiyo markii dad aan sharcigu ogolayn uu ogayn iyo ula kac u keenay meeshii oo uu gurigiisa ku dhaarsaday oo socdsiiday isagoo aan institutions kii arinka la lahaa oo dhan miiskii ka caydhiyey dunidiina way ina DAAWANAYAAN isla markaana toogasho ku bilaabay dad xidhan oo reero uu jeedo u badan taasi waxay keenaysaa kacdoon ummadeed oo qarka u saaranahay. Dawladnimo waa system ummadu wadashaqeeya hadduu wadaadaa laga baydho wuu dumaa wuxuu socdaba waayo shacabku markuu ogaaado inaan dawladi u shaqayn ee wax walba uu private noqdo dawladnimo wey itaal daraysaa Madaxweynuhuna wuu qiimo beelaa.

Sida saadaashu sheegayso Xukuumadda Muse sidaa iyo si kasii xun bay u sii maamulaysaa wadanka sanadaha soo socda waana Xukuumaadii u dambaysay ee SOMALILAND sheegata waayo Madaxweyne isbedel laga filaa ma jiro. Doorasho la qabandoonaa ma muuqato. Waayo marka khilaaf siyaasadeed ka baxa la is yidhaaba Madaxweynuhu khilaaf cusub ayuu bilaabayaa dabadeed seddexdii sano ee soo socda isdaba meeraysigu sidaasuu ahaanayaa.

Horaa loo soo ogaaday reer yaroo dawlad lagu koobo waayo xafiis walba markuu in isku reero ku uruto waxaa meesha ka baxa aqoontii dadku shaqada ku kala heli lahaa ee wax qabad ku socon lahaa. Qof aan shaqo aanuu qaban karin si qaldan loo geeyaa ma shaqeeyo oo kumuu Imanin inuu shaqeeyo ee biil qaadasho ayuu ku yimi halka professional nimadii wey luntaa.

Mar haddii Madaxweyne ummad u dhex noqon waayo wax waloo dawladdii la hayd wey dayacmaan oo ummad nimadii lagu wada ilaalin lahaa wax kasta ayaa meesha ka baxda. Cashuurta way wiiqantaa haddii dawladdu wiiqanto.

M Bashe

[email protected]

AFEEF:

Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!