Aagaamaha Ka Sii Dhaansadda Maalin Dhaw Ma Urin Doon-taane ( Abdi-Shotaly).
Akhristaw waa qisooyin yaab lehe, " Adiguba qiyaasoo, meel qasaare
uu yimi, qudh baxeen caruurtii, qurux baan ka deyayaa, qiilkee baneeyoo,
oo ay ku qorantay yaabnaye, amuurtani qal-dhebaysaa,
qaradeedu weynaa, Qalwaddii mas baa galay ( Waa raggii ma aidgaa ka hadhaye),
Qodax baase hoos taal ( Geenyo shaaximan), Faras qaayahiisii qurux buu ku
doorsaday ( saylici), Quule Quudhsiggii diid ( Jano Ka bood Samaale), Qarndidu
wax soo quftay (Af-dulaaq) Bakaylay ku qadhaa-bataayoo (
Gaafaadhi) soo wabo tidhaahaa, Maatadaan qadaynoo, UUs buurna uu Cunyey ( Solteko)
Qarashkii wadooyinka, weli rag baa qamaamoo, buuraha qotadda dheer, ka arkaayo
qiiqoo, qarka soo jafaayee ( waa Maxamuud Xaashi beenaale), oo isna quud
daraynaaya in uu noqdo Gudoomiyaha Qudhmiye ee ku xiga askariga, oo leh
eega waa taa laga dhaqaaqay Ina Biixi ee Waddani Loo galaye, ha arko siilaanyo
ninkii uu u af-duubay Kulmiye), qasnadiina lala dhoof, Ma Cas-Casa Qasuumadi!
Qasantaye maxaa hadhay? Lagu madhi qalaylkii, Sawtan qiiqu baxa-yaba, Muxuu
daba qaban mucaaridku? Muwaadin, adba waad yaabiye, bal hadda intan hoose ila
akhri, in aad gacmaha dhafoorka saari waydo iyo in kale. Damber-keedi
maan-deeq nimaan doonin baa dhamaye, Dulin baa ku kacay oo hashii,
madhiyey diirkiiye, waa dawlad xumo waxa hayaa, dakhara-deediiye, imikay
la dalan-doolaysaa, gaajo aan dawo lahayne.Waxa dib u soo noqonaaya,
" Dhagax Tuurkii Lagu
Sameeyey Af-la-Haarkii Hore", ma is tidhaaheen, Shalay markii la liqay,
dekeddii, dhulkii danta guud, xaraashkii daarihii ummadda, lagu kala tegay
hantiddii ummadda, ee xataa maamuladdii shicibka ahaa, ee ilaa lixdankii
jirey daayoo, kii Dalqa-weyne uu ka talin jirey keliggii, wixii uu ka
xishooday, baa dabadda loo qabtay, la dhameeyey, baa maanta loo soo
degsaday, In madaxdii Xusbiga La xidh-xidho, oo la yidhaaho car juuq
dheha.
Ka Amaanka loo dirtay waa Geenyo shaaximan oo cuqudad garxajis la yidhaahaa
beerka iyo iyo boga googooyey, geeriddii nebiga aan ogayn, sidda ilmo yar
uu amar u siiyo askariga kale. waa wasiir ku sheega arimaha gudaha'e (
waa diiriye oo shicibka buu kicinayaa ) markuu meel walba RRU u
diro, wuxu ku jiraa halkii Askariggii Mareexaan ee la odhan jirey Gaani, kaas
oo kicin jirey dadka, oo loo bixiyey "Diiriye", wuxu hayaa
shaqadiisii, oo shicibka buu guubaabinayaa, oo ka soo hor jeedinayaa Maamulka
maafiyadu dhaxashay, oo faa'iido bay u tahay mucaaridka, ee halkaa ka wad baanu
leenahay. meel walba madaxa iskaga duub. Waxa intaa dheer muwaadin, Meel
geeri caruureed taalo, oo dhaawaca shicibku faraha ka baxay, shuban iyo
macaluyul daraadeed, oo ah meel hayaay ka baxayso, hoogay qaylo ka
yeedhay, sicir barar hoganaayo, uu ku hoobtay dadkii, haadku uu faganaayo,
haweenkii maradoodda iyo dhiigu dooxyadaa hirdamaayo, madaxdda
Waddani ee Runta sheegta ha la xidho, waa nabsiye, inta uu u yeedhay
ka Warabahainta, oo uu ku yidhi Af-dulaaq, Weriyihii runta sheega
Xidh, una kala tiri Cirro Iyo Waddani, cad-quudheedka la siiyona
, kolba reerka isku day in aad ku kala jebin karto ( Laakiin taasi u suuro
geli wayday) waana lays gondo og yahay, isaga iyo ina Askariga, Beenaalaha
madaxtooyadda inta amarkiisa, maato gurya-hooddii lagu weeraray, oo
ubadkii ay baradhadda suuqa ay ku iibinayeen, ay ku korinayeen, lagu laayey
rasaas, ama saq-dhexe loogu daatay. ama qabyaalad awgeed guriggii looga
saaray agoon aabohood dhintay, siddii Gudoomiyihii hore ee Baanka Somaliland,
oo aad la socoteen, in xataa faraha dagaal loola tegay Hooyaddii agoonta la
silcaysay, habeenka oo badh tegay debedda loo qubay, weli hore-na umaynu maqal,
dib-na fili-maayo in ay ina soo mari doonto, ee bal adigu wax ku sheeg
muwaadin.
Waxan ku soo dabray qoraalkan, Aduun-yadda Nin noolaw maxaa aragti kuu
laaban! Nin awood ku faaniyo maxaa ummadan kala haysta, waxa uuse yidhi Abwaan
Qaasim ( IHN) Tixddii Maandeeq, oo ka mid ahayd beydad-keedda," Mar uun buu daboolka iska rogu, doob la quudh-sadaye,
diriyadda habaaska ah, mar baa doog ka soo bixiye, dabar-kiyo hogaankiyo mar
baan, diidi keenada'e, xaqay-ggii la duudsiyey mar baa, doono lay odhan,
dib-jirkiyo mar bay reer miyigu, daasadaa qubiye. dambarkeedda maan-deeq
mar baa, loo dabaal degiye, iska doogsin cararaay, mar bay daydo noo
curane"
* N.B Qalwaddii Mas Baa Galay, Qodax baana Hoos Taal!
Qore:- Abdi-Shotaly.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!